ជាតិ
នយោបាយជាតិ
×![]()
រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក ហោ ណាំហុង បានបង្ហើបឲ្យដឹងថា លោកធ្លាប់ទុកច្រកចេញមួយឲ្យលោក សម រង្ស៊ី ដើម្បីឲ្យផុតពីការផ្តន្ទាទោស ។ លោក ហោ ណាំហុង អះអាងថា ច្រកចេញដែលលោក ត្រៀមទុកសម្រាប់លោក សម រង្ស៊ី គឺបានហួសពេលហើយ ក្រោយពីលោក សម រង្ស៊ី នៅតែប្រើពាក្យសម្ដីមិនសមរម្យលើរូបលោក។ ការបង្ហើបប្រាប់របស់លោក ហោ ណាំហុង នេះធ្វើឡើងក្រោយពីជំនួបជាមួយឯកអគ្គរដ្ឋទូតអាមេរិក នៅព្រឹកថ្ងៃទី៧ធ្នូ នាទីស្ដីការក្រសួង។
លោក ហោ ណាំហុង ធ្លាប់បានប្រាប់មន្ត្រីទូតថា បញ្ហារវាងលោក និង លោក សម រង្ស៊ី គឺនៅមានច្រកទ្វារចំហសម្រាប់លោក សម រង្ស៊ី។លោក ហោ ណាំហុង ដែលមានកូនចិត្តចង់បើកច្រកចេញឲ្យលោក សម រង្ស៊ី ដែរនោះអះអាងថា ផ្លូវចំហដែលលោកបានត្រៀមទុកនេះគឺអាចជួយឲ្យលោក សម រង្ស៊ី រួចផុតពីការផ្ដន្ទាទោសកន្លងមក ។តែលោក ហោ ណាំហុង មិនបានបញ្ជាក់ឲ្យច្បាស់ពីច្រកទ្វាដែលលោក ត្រៀមបើកផ្លូវឲ្យលោក សម រង្ស៊ី រួចពីទោសនោះទេ។
ថ្លែងប្រាប់ចំពោះមុខអ្នកកាសែត ប្រមុខដឹកនាំក្រសួងការបរទេសរូបនេះ បានបញ្ជាក់យ៉ាងដូច្នេះ៖ខ្ញុំសូមរំលឹកថា ពេលខ្ញុំជួបអង្គទូតប៉ុន្មានថ្ងៃមុននេះ មានអ្នកកាទូតម្នាក់មកសួរខ្ញុំថា តើទៅថ្ងៃមុខមានការសម្របសម្រួលយ៉ាងណា ធ្វើឲ្យលោក សម រង្ស៊ី រួចផុតពីទោសនោះទេ។ពេលនោះខ្ញុំទុកច្រកចំហរ ខ្ញុំទុកទ្វាបើកដើម្បីទុកលទ្ធភាពឲ្យឯកឧត្តម សម រង្ស៊ី រួចផុតពីការផ្ដន្ទាទោសនេះ។ខ្ញុំបានឆ្លើយសំនួរនេះថា ចាំមើលទៅថ្ងៃអនាគតទៀត ឬយ៉ាងម៉េច នេះខ្ញុំទុកច្រកបើកចំហរ»។
កន្លងមកលោក សម រង្ស៊ី ប្រធានគណបក្សសង្គ្រោះជាតិ ធ្លាប់បានប្រកាសថា លោកនឹងមិនសុំទោសលោក ហោ ណាំហុង ជាដាច់ខាត។ មិនតែប៉ុណ្ណោះ លោក សម រង្ស៊ី បានចោទវិញថា លោក ហោ ណាំហុង វិញទេ ដែលគួរតែសុំទោសដល់វិញ្ញាណក្ខន្ធនិងក្រុមគ្រួសារជនរងគ្រោះ ដែលត្រូវបានសម្លាប់ដោយខ្មែរក្រហម នៅគុកបឹងត្របែកនាចុងទសវត្សឆ្នាំ១៩៧០ ព្រោះលោក ហោ ណាំហុង គឺជាប្រធានពន្ធនាគារបឹងត្របែក ។
ត្រង់ចំណុចដែលលោក សម រង្ស៊ី លើកឡើងនេះធ្វើឲ្យលោក ហោ ណាំហុង មិនអាចទទួលយកបានឡើយ។រដ្ឋមន្ត្រីក្រសួងការបរទេសរូបនេះ បានហៅលោក សម រង្ស៊ី វិញថា គឺជាមនុស្សព្រហើនប្រើពាក្យសម្ដីមិនសមរម្យ ដែលធ្វើឲ្យបាត់បង់ឱកាសរួចផុតពីការផ្ដន្ទាទោសដោយខ្លួនឯង។
គួរបញ្ជាក់ថា តុលាការក្រុងភ្នំពេញបានចេញដីកាចាប់ខ្លួនលោក សម រង្ស៊ី កាលពីថ្ងៃ១៣ ខែវិច្ឆិកា ឆ្នាំ២០១៥ ដោយអនុវត្តទៅតាមសាលក្រមស្ថាពរ ពាក់ព័ន្ធនឹងបទ បរិហាកេរ្តិ៍សាធារណៈ និងញុះញង់ ឲ្យមានការរើសអើង ទៅលើលោក ហោ ណាំហុង ដែលប្រព្រឹត្តកាលពីថ្ងៃទី១៧ ខែមេសា ឆ្នាំ២០០៨ កន្លងមកនៅសារមន្ទីរជើងឯក រាជធានីភ្នំពេញ ដោយកាលនោះលោក សម រង្ស៊ី បានចោទប្រកាន់ លោក ហោ ណាំហុង ថា ជាប្រធានគុកបឹងត្របែក នៅក្នុងសម័យខ្មែររក្រហម៕
លោក ហោ ណាំហុង ធ្លាប់បានប្រាប់មន្ត្រីទូតថា បញ្ហារវាងលោក និង លោក សម រង្ស៊ី គឺនៅមានច្រកទ្វារចំហសម្រាប់លោក សម រង្ស៊ី។លោក ហោ ណាំហុង ដែលមានកូនចិត្តចង់បើកច្រកចេញឲ្យលោក សម រង្ស៊ី ដែរនោះអះអាងថា ផ្លូវចំហដែលលោកបានត្រៀមទុកនេះគឺអាចជួយឲ្យលោក សម រង្ស៊ី រួចផុតពីការផ្ដន្ទាទោសកន្លងមក ។តែលោក ហោ ណាំហុង មិនបានបញ្ជាក់ឲ្យច្បាស់ពីច្រកទ្វាដែលលោក ត្រៀមបើកផ្លូវឲ្យលោក សម រង្ស៊ី រួចពីទោសនោះទេ។
ថ្លែងប្រាប់ចំពោះមុខអ្នកកាសែត ប្រមុខដឹកនាំក្រសួងការបរទេសរូបនេះ បានបញ្ជាក់យ៉ាងដូច្នេះ៖ខ្ញុំសូមរំលឹកថា ពេលខ្ញុំជួបអង្គទូតប៉ុន្មានថ្ងៃមុននេះ មានអ្នកកាទូតម្នាក់មកសួរខ្ញុំថា តើទៅថ្ងៃមុខមានការសម្របសម្រួលយ៉ាងណា ធ្វើឲ្យលោក សម រង្ស៊ី រួចផុតពីទោសនោះទេ។ពេលនោះខ្ញុំទុកច្រកចំហរ ខ្ញុំទុកទ្វាបើកដើម្បីទុកលទ្ធភាពឲ្យឯកឧត្តម សម រង្ស៊ី រួចផុតពីការផ្ដន្ទាទោសនេះ។ខ្ញុំបានឆ្លើយសំនួរនេះថា ចាំមើលទៅថ្ងៃអនាគតទៀត ឬយ៉ាងម៉េច នេះខ្ញុំទុកច្រកបើកចំហរ»។
កន្លងមកលោក សម រង្ស៊ី ប្រធានគណបក្សសង្គ្រោះជាតិ ធ្លាប់បានប្រកាសថា លោកនឹងមិនសុំទោសលោក ហោ ណាំហុង ជាដាច់ខាត។ មិនតែប៉ុណ្ណោះ លោក សម រង្ស៊ី បានចោទវិញថា លោក ហោ ណាំហុង វិញទេ ដែលគួរតែសុំទោសដល់វិញ្ញាណក្ខន្ធនិងក្រុមគ្រួសារជនរងគ្រោះ ដែលត្រូវបានសម្លាប់ដោយខ្មែរក្រហម នៅគុកបឹងត្របែកនាចុងទសវត្សឆ្នាំ១៩៧០ ព្រោះលោក ហោ ណាំហុង គឺជាប្រធានពន្ធនាគារបឹងត្របែក ។
ត្រង់ចំណុចដែលលោក សម រង្ស៊ី លើកឡើងនេះធ្វើឲ្យលោក ហោ ណាំហុង មិនអាចទទួលយកបានឡើយ។រដ្ឋមន្ត្រីក្រសួងការបរទេសរូបនេះ បានហៅលោក សម រង្ស៊ី វិញថា គឺជាមនុស្សព្រហើនប្រើពាក្យសម្ដីមិនសមរម្យ ដែលធ្វើឲ្យបាត់បង់ឱកាសរួចផុតពីការផ្ដន្ទាទោសដោយខ្លួនឯង។
គួរបញ្ជាក់ថា តុលាការក្រុងភ្នំពេញបានចេញដីកាចាប់ខ្លួនលោក សម រង្ស៊ី កាលពីថ្ងៃ១៣ ខែវិច្ឆិកា ឆ្នាំ២០១៥ ដោយអនុវត្តទៅតាមសាលក្រមស្ថាពរ ពាក់ព័ន្ធនឹងបទ បរិហាកេរ្តិ៍សាធារណៈ និងញុះញង់ ឲ្យមានការរើសអើង ទៅលើលោក ហោ ណាំហុង ដែលប្រព្រឹត្តកាលពីថ្ងៃទី១៧ ខែមេសា ឆ្នាំ២០០៨ កន្លងមកនៅសារមន្ទីរជើងឯក រាជធានីភ្នំពេញ ដោយកាលនោះលោក សម រង្ស៊ី បានចោទប្រកាន់ លោក ហោ ណាំហុង ថា ជាប្រធានគុកបឹងត្របែក នៅក្នុងសម័យខ្មែររក្រហម៕
© រក្សាសិទ្ធិដោយ thmeythmey.com
