ជាតិ
សេដ្ឋកិច្ច
×![]()
ដោយ: ថ្មីៗ
ក្នុងខែវិច្ឆិកា ឆ្នាំ២០១៥ កន្លងមកនេះ អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានសម្រេចប្រមូលនិងបង់ប្រាក់ពន្ធចូលថវិកាជាតិបានចំនួន ៣៧១ ៧២៩,២៨ លានរៀល បើគិតជាដុល្លារប្រមាណ ៩២,៩៣ លានដុល្លារ។
សេចក្ដីប្រកាសព័ត៌មាន ស្ដីពីកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែវិច្ឆិកា ឆ្នាំ២០១៥ របស់អគ្គនាយកដ្ឋានពន្ធដា កាលពីព្រឹកថ្ងៃទី ១១ ខែធ្នូម្សិលមិញ បានបង្ហាញថា ក្នងរយៈពេលដប់មួយខែ ក្នុងឆ្នាំ២០១៥ ចំណូលពន្ធ-អាករគ្រប់ប្រភេទ ដែលអគ្គនាយកដ្ឋានពន្ធដារប្រមូលបានសរុបមានចំនួនប្រមាណ ៤ ៧៤៤ ៥៥៨,៣៩ លានរៀល បើគិតជាដុល្លារប្រមាណ ១១៨៦,១៤ លានដុល្លារ ស្មើនឹង ១០១,៨៣ភាគរយ នៃគោលដៅកំណត់ដោយច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១៥ ដែលក្នុងនោះរួមមាន៖ ថវិកាថ្នាក់ជាតិបានចំនួនស្មើនឹង ១០១,៥៣ភាគរយ និងថវិកាថ្នាក់ក្រោមជាតិបានចំនួនស្មើនឹង ១០៣,៦៦ភាគរយ។
ក្នុងរយៈពេលដូចគ្នានេះដែរ ឆ្នាំ២០១៤ និងឆ្នាំ២០១៥ ឃើញថាការប្រមូលចំនូលពន្ធ-អាករគ្រប់ប្រភេទកើនឡើងប្រមាណ ២៤,២០ភាគរយ ដែលក្នុងនោះ មានការកើនឡើងនូវចំណូលពន្ធ-អាករ តាមប្រភេទសំខាន់ៗមួយចំនួនដូចជា៖ ពន្ធលើប្រាក់ចំណេញមានការកើនឡើងប្រមាណ ២៧,៩ភាគរយ, ពន្ធលើប្រាក់បៀវត្សរ៍មានការកើនឡើងប្រមាណ១៩,៧ភាគរយ,អាករលើតម្លៃបន្ថែមមានការកើនឡើងប្រមាណ ១២,៦ភាគរយ និងអាករពិសេសមានការកើនឡើងប្រមាណ២៤,៧ភាគរយ៕
ប្រភព៖ AKP
Tag:
ពន្ធដារ
© រក្សាសិទ្ធិដោយ thmeythmey.com
