អន្តរជាតិ
លោក Ram Nath Kovind ប្រធានាធិបតីថ្មីរបស់ឥណ្ឌា (រូបភាព Xinhua)
×![]()
ដោយ: តន ចាន់រិទ្ធារ៉ា
លោក Ram Nath Kovind ដែលមានប្រភពមកពីវណ្ណៈដាលីត (Dalit) ដែលជាវណ្ណៈទាបជាងគេក្នុងសង្គមឥណ្ឌា បានស្បថចូលកាន់តំណែងប្រធានាធិបតីផ្លូវការហើយនៅថ្ងៃទី២៥ ខែកក្កដា បន្ទាប់ពីទទួលជ័យជម្នះក្នុងការបោះឆ្នោតកាលពីសប្ដាហ៍មុន។ លោក Ram Nath Kovind ជាបេក្ខជនគាំទ្រដោយបក្សកាន់អំណាចរបស់នាយករដ្ឋមន្ត្រី នារិន្ទ្រា ម៉ូដូ (Narendra Modi) ។ ជ័យជម្នះរបស់លោក ក៏ជាការលើកមុខមាត់វណ្ណៈដាលីតផងដែរ។
លោក Ram Nath Kovind បានក្លាយជាប្រធានាធិបតីទី១៤ របស់មហាអំណាចប្រជាធិបតេយ្យធំជាងគេបំផុតលើពិភពលោក ឥណ្ឌា ដោយលោកបានស្បថចូលកាន់តំណែងផ្លូវការនៅឯវិមានរដ្ឋសភាក្នុងរដ្ឋធានីញូវដែលី។ លោក Ram Nath Kovind មានកំណើតមកពីវណ្ណៈដាលីត ដែលជាវណ្ណៈទាបជាងគេនៅឥណ្ឌា និងជាមនុស្សទីពីរមកពីវណ្ណៈនេះដែលអាចក្លាយជាប្រធានាធិបតីនៃប្រទេសមានប្រជាជនច្រើនជាងគេទីពីរ។
ក្នុងពិធីស្បថចូលកាន់តំណែងនៅថ្ងៃទី២៥ លោក Kovind និយាយថា លោកសូមគោរពប្រជាជនឥណ្ឌាទាំងអស់ ហើយលោកសន្យាថានឹងស្មោះត្រង់ចំពោះប្រទេសជាតិ។ លោកបន្តថា លោកទទួលតំណែងនេះក្ដីគោរព និងអនុវត្តភារកិច្ចដោយការទទួលខុសត្រូវ។ នេះបើតាមការផ្សាយរបស់សារព័ត៌មានឥណ្ឌា Time of India ។
ការឈានដល់តំណែងប្រធានាធិបតីរបស់លោក Kovind ពិតជាបានលើកស្ទួយមុខមាត់វណ្ណៈដាលីត ដែលជារឿយៗរងការប្រមាថមាក់ងាយដោយសារតែប្រព័ន្ធបែងចែកវណ្ណៈបន្សល់ទុកពីអតីតកាល។ លោក Kovind បានទទួលសំឡេងភាគច្រើនក្នុងការបោះឆ្នោតអសកល ដែលចូលរួមសមាជិកសភាជាតិ និងសមាជិកសភានៅតាមរដ្ឋនីមួយៗរបស់ឥណ្ឌា។ ដោយសារមានការគាំទ្រពីបក្សកាន់អំណាចរបស់នាយករដ្ឋមន្ត្រី នារិន្ទ្រា ម៉ូឌី លោក Kovind ឈ្នះការបោះឆ្នោតយ៉ាងស្រួល។
យ៉ាងណាក្ដី គណបក្សប្រឆាំងបានចោទលោក ម៉ូឌី ថាប្រើប្រាស់ការបោះឆ្នោតប្រធានាធិបតីដើម្បីពង្រឹងឥទ្ធិពលបក្សកាន់អំណាច និងគំនិតរបស់លោក ម៉ូឌី ដែលចង់ប្រែក្លាយឥណ្ឌាទៅជាប្រទេសកាន់សាសនាហិណ្ឌូទីមួយ។ ជ័យជម្នះរបស់លោក Kovind ត្រូវគេមើលឃើញថានឹងជួយលោក ម៉ូឌី ក្នុងទទួលបានការគាំទ្រកាន់ច្រើនថែមទៀតជាពិសេសប្រជាជនវណ្ណៈដាលីតសម្រាប់ការបោះឆ្នោតទូទៅឆ្នាំ២០១៩ ។
សូមបញ្ជាក់ថា វណ្ណៈដាលីត មានសមាជិកប្រហែល២០០លាននាក់ក្នុងចំណោមប្រជាជនឥណ្ឌាទាំងជាង១,២៥ពាន់លាននាក់។ នៅមុននេះ វណ្ណៈដាលីតត្រូវគេចាត់ទុកជាវណ្ណៈដែលស្ថិតក្រោមគេបង្អស់នៃប្រព័ន្ធវណ្ណៈឥណ្ឌា ឬវណ្ណៈដែលមិនអាចប៉ះពាល់បាន។ ពួកគេតែងរងការរើសអើង និងមិនសូវទទួលបានអត្ថប្រយោជន៍សេដ្ឋកិច្ចដូចវណ្ណៈផ្សេងឡើយ។ ដូចនេះការឡើងកាន់តំណែងស៊ីវិលខ្ពស់ជាងគេនៅឥណ្ឌារបស់លោក Kovind ពិតជាជួយលើកតម្កើងវណ្ណៈនេះមិនខាន៕
លោក Ram Nath Kovind បានក្លាយជាប្រធានាធិបតីទី១៤ របស់មហាអំណាចប្រជាធិបតេយ្យធំជាងគេបំផុតលើពិភពលោក ឥណ្ឌា ដោយលោកបានស្បថចូលកាន់តំណែងផ្លូវការនៅឯវិមានរដ្ឋសភាក្នុងរដ្ឋធានីញូវដែលី។ លោក Ram Nath Kovind មានកំណើតមកពីវណ្ណៈដាលីត ដែលជាវណ្ណៈទាបជាងគេនៅឥណ្ឌា និងជាមនុស្សទីពីរមកពីវណ្ណៈនេះដែលអាចក្លាយជាប្រធានាធិបតីនៃប្រទេសមានប្រជាជនច្រើនជាងគេទីពីរ។
ក្នុងពិធីស្បថចូលកាន់តំណែងនៅថ្ងៃទី២៥ លោក Kovind និយាយថា លោកសូមគោរពប្រជាជនឥណ្ឌាទាំងអស់ ហើយលោកសន្យាថានឹងស្មោះត្រង់ចំពោះប្រទេសជាតិ។ លោកបន្តថា លោកទទួលតំណែងនេះក្ដីគោរព និងអនុវត្តភារកិច្ចដោយការទទួលខុសត្រូវ។ នេះបើតាមការផ្សាយរបស់សារព័ត៌មានឥណ្ឌា Time of India ។
ការឈានដល់តំណែងប្រធានាធិបតីរបស់លោក Kovind ពិតជាបានលើកស្ទួយមុខមាត់វណ្ណៈដាលីត ដែលជារឿយៗរងការប្រមាថមាក់ងាយដោយសារតែប្រព័ន្ធបែងចែកវណ្ណៈបន្សល់ទុកពីអតីតកាល។ លោក Kovind បានទទួលសំឡេងភាគច្រើនក្នុងការបោះឆ្នោតអសកល ដែលចូលរួមសមាជិកសភាជាតិ និងសមាជិកសភានៅតាមរដ្ឋនីមួយៗរបស់ឥណ្ឌា។ ដោយសារមានការគាំទ្រពីបក្សកាន់អំណាចរបស់នាយករដ្ឋមន្ត្រី នារិន្ទ្រា ម៉ូឌី លោក Kovind ឈ្នះការបោះឆ្នោតយ៉ាងស្រួល។
យ៉ាងណាក្ដី គណបក្សប្រឆាំងបានចោទលោក ម៉ូឌី ថាប្រើប្រាស់ការបោះឆ្នោតប្រធានាធិបតីដើម្បីពង្រឹងឥទ្ធិពលបក្សកាន់អំណាច និងគំនិតរបស់លោក ម៉ូឌី ដែលចង់ប្រែក្លាយឥណ្ឌាទៅជាប្រទេសកាន់សាសនាហិណ្ឌូទីមួយ។ ជ័យជម្នះរបស់លោក Kovind ត្រូវគេមើលឃើញថានឹងជួយលោក ម៉ូឌី ក្នុងទទួលបានការគាំទ្រកាន់ច្រើនថែមទៀតជាពិសេសប្រជាជនវណ្ណៈដាលីតសម្រាប់ការបោះឆ្នោតទូទៅឆ្នាំ២០១៩ ។
សូមបញ្ជាក់ថា វណ្ណៈដាលីត មានសមាជិកប្រហែល២០០លាននាក់ក្នុងចំណោមប្រជាជនឥណ្ឌាទាំងជាង១,២៥ពាន់លាននាក់។ នៅមុននេះ វណ្ណៈដាលីតត្រូវគេចាត់ទុកជាវណ្ណៈដែលស្ថិតក្រោមគេបង្អស់នៃប្រព័ន្ធវណ្ណៈឥណ្ឌា ឬវណ្ណៈដែលមិនអាចប៉ះពាល់បាន។ ពួកគេតែងរងការរើសអើង និងមិនសូវទទួលបានអត្ថប្រយោជន៍សេដ្ឋកិច្ចដូចវណ្ណៈផ្សេងឡើយ។ ដូចនេះការឡើងកាន់តំណែងស៊ីវិលខ្ពស់ជាងគេនៅឥណ្ឌារបស់លោក Kovind ពិតជាជួយលើកតម្កើងវណ្ណៈនេះមិនខាន៕
Tag:
ឥណ្ឌា
Ram Nath Kovind
© រក្សាសិទ្ធិដោយ thmeythmey.com
