កីឡាជាតិ
ជាតិ
SEA Games៖ បញ្ជីឈ្មោះ U22 ត្រៀមប៉ះថៃ វៀតណាម ហ្វីលីពីន ឥណ្ឌូនេស៊ី និងទីម័រខាងកើត
×![]()
សហព័ន្ធកីឡាបាល់ទាត់កម្ពុជា(FFC)បង្ហាញឈ្មោះក្រុមកីឡាករជម្រើសជាតិអាយុក្រោម២២ឆ្នាំកម្ពុជាទាំង២០នាក់ដែលត្រៀមចូលរួមប្រកួតកីឡាស៊ីហ្គេមលើកទី២៩នៅប្រទេសម៉ាឡេស៊ីចាប់ផ្តើមពីថ្ងៃទី១៩ ដល់ថ្ងៃទី៣១ ខែសីហា ខាងមុខ។ ក្នុងចំណោមកីឡាករទាំង២០នាក់ភាគច្រើនជាយុវជនរបស់ភ្នំពេញក្រោន និងព្រះខ័នរាជស្វាយរៀង។ U22 កម្ពុជាត្រូវប៉ះថៃ វៀតណាម ហ្វីលីពីន ឥណ្ឌូនេស៊ី និងទីម័រខាងកើតជាបន្តបន្ទាប់ក្នុងពូល B។ 
នៅថ្ងៃទី៣១ ខែកក្កដា ឆ្នាំ២០១៧ សហព័ន្ធកីឡាបាល់ទាត់កម្ពុជាបានបង្ហាញឈ្មោះក្រុមបាល់ទាត់ជម្រើសជាតិអាយុក្រោម២២ឆ្នាំកម្ពុជារបស់លោក Leonardo Vitorino ដើម្បីត្រៀមប្រជែងដណ្តើមជើងឯកប្រចាំព្រឹត្តិការណ៍កីឡាស៊ីហ្គេមលើកទី២៩នៅប្រទេសសិង្ហបុរីក្នុងខែសីហា ខាងមុខនេះ។
ក្នុងបញ្ជីឈ្មោះទាំង២០នាក់របស់លោក Leonardo គឺមានយុវជនភ្នំពេញក្រោនចំនួន៨នាក់(កែវ សុខសិលា, ស៊ិន កក្កដា, ជួន ចាន់ចាវ, អ៊ិន សូដាវីដ, ប្រាក់ ធីវា, សឿត បារាំង, ពៅ ប៉ុនវុឌ្ឍី និង ឆុំ ភីសា), ព្រះខ័នរាជស្វាយរៀង៧នាក់(ហូយ ផល្លីន, សំអឿន ពិដោរ, នេន សុធារ័ត្ន, ណុប តុលា, សឿយ វិសាល, គន្ធា រ៉ាវ៉ាន់ និង សុក សំណាង), ប៉ូលិស២នាក់(សុន វណ្ណដេត និង នួន បូរី), ទ័ព២នាក់(ច្រឹង ពលរដ្ឋ និង អ៊ុំ សេរីរ័ត្ន) និងណាហ្គាវើល១នាក់ គឺកីឡាករ ឆេង ម៉េង។
គន្ធា រ៉ាវ៉ាន់ និង ពៅ ប៉ុនវុឌ្ឍី មានវត្តមានជំនួស លី វ៉ាហេទ នៃក្លិបបឹងកេត និងសារី ម៉ាត់ណូរ៉ូទីន នៃក្លិបណាហ្គាវើល។
ក្រុម U22 កម្ពុជាឈរនៅក្នុងពូល B ដោយមាន៥ប្រកួតក្នុងនោះ ប៉ះ U22 ថៃ ក្នុងថ្ងៃបើកឆាកនៅរសៀលថ្ងៃទី១៤ សីហា មុនស្វាគមន៍ជើងខ្លាំងវៀតណាម នៅថ្ងៃទី១៦ សីហា។ បន្ទាប់មកនៅថ្ងៃទី១៨ សីហា U22 កម្ពុជា ប៉ះជាមួយហ្វីលីពីន មុនជួបជាបន្តបន្ទាប់ជាមួយទីម័រខាងកើត និងឥណ្ឌូនេស៊ីនៅថ្ងៃ២១ និងទី២៤ ខែសីហា។ ចំណែកពូល A មានម្ចាស់ផ្ទះម៉ាឡេស៊ី មីយ៉ាន់ម៉ា សិង្ហបុរី ឡាវ និងប្រ៊ុយណេ។
គួរបញ្ជាក់ថា ព្រឹត្តិការណ៍កីឡាស៊ីហ្គេមលើកទឹកទី២៩នៅម៉ាឡេស៊ីនឹងបើកជាផ្លូវការនៅថ្ងៃទី១៩ សីហា ដោយគ្រោងបញ្ចប់នៅថ្ងៃទី៣១ សីហា ខណៈប្រភេទកីឡាបាល់ទាត់ប្រកួតចាប់ពីថ្ងៃទី១៤ សីហា តទៅ៕
Tag:
បាល់ទាត់
SEA Games 2017
© រក្សាសិទ្ធិដោយ thmeythmey.com
