អន្តរជាតិ
ប៉ូលិសឥណ្ឌូណេស៊ីបំបែកគម្រោងក្រុមភេរវជនដែលប៉ងវាយប្រហារវិមានប្រធានាធិបតីចុងខែសីហា
រូបភាព៖ GMA News
×![]()
ជនសង្ស័យប្រាំនាក់ត្រូវបានប៉ូលិសឥណ្ឌូណេស៊ីចាប់ខ្លួននៅអង្គារទី១៥ខែសីហានៅរដ្ឋធានីហ្សាការតា។ ប៉ូលិសក៏បានដកហូតយកសារធាតុគីមីដែលពួកគេទាំងនេះចង់យកទៅប្រើប្រាស់ដើម្បីផលិតគ្រាប់បែកវាយប្រហារលើវិមានប្រធានាធិបតីនាចុងខែសីហាដែរ។
ប៉ូលិសឥណ្ឌូណេស៊ីចាប់ខ្លួនជនសង្ស័យដែលជាក្រុមសកម្មប្រយុទ្ធប្រាំនាក់ និងដកហូតយកសារធាតុគីមីមួយចំនួនផង ដែលគេអាចយកទៅផលិតគ្រាប់បែកដើម្បីវាយប្រហារវិមានប្រធានាធិបតីនៅចុងខែសីហានេះ។ ក្នុងចំណោមពួកគេ មានជនពីរនាក់ត្រូវបានគេចាប់បញ្ជូនពីហុងកុងមកឥណ្ឌូណេស៊ីវិញដោយពាក់ព័ន្ធការផ្សព្វផ្សាយមនោគមន៍វិជ្ជាជ្រុលនិយម។
ទីភ្នាក់ងារព័ត៌មាន Reuters ស្រង់សម្ដីប៉ូលិសឥណ្ឌូណេស៊ីថា ជនសង្ស័យជាក្រុមសកម្មប្រយុទ្ធទាំងនេះរៀនធ្វើគ្រាប់បែកតាមរយៈគេហទំព័ររបស់ជនជាតិឥណ្ឌូណេស៊ីម្នាក់ចូលរួមប្រយុទ្ធជាមួយក្រុមភេរវជននៅស៊ីរីកន្លងមក។
ចំណែក ប៉ូលិសប្រឆាំងអំពើភេរវកម្មឥណ្ឌូណេស៊ីប្រទះឃើញសារធាតុគីមីនៅក្នុងផ្ទះក្រុមជនសង្ស័យនៅក្រុង បានឌុង អំឡុងពេលបង្ក្រាបនោះបាននិយាយថា ក្រុមប៉ូលិសមានប្រតិកម្មស្បែកនិងស្នាមក្រហមនៅលើស្បែកដោសារឥទ្ធិពលសារធាតុគីមី ពេលពួកគេដើរចូលផ្ទះ។
ពាក់ព័ន្ធការបំបែកគម្រោងភេរវកម្មនេះ អ្នកនាំពាក្យប៉ូលិសឥណ្ឌូណេស៊ីលោក Yusri Yunus បាននិយាយថា៖« នេះជាលើកដំបូងហើយដែលពួកគេត្រៀមផលិតគ្រាប់បែកដោយប្រើសារធាតុគីមីនៅភាគខាងកើតរដ្ឋធានីហ្សាការតា។ តែវាមានហាងជាច្រើនដែលបដិសេធលក់សារធាតុគីមីទៅឲ្យក្រុមជនសង្ស័យទាំងនោះ»។
ដោយឡែក ប៉ូលិសឥណ្ឌូណេស៊ីក៏បារម្ភដែរថា ក្រុមសកម្មប្រយុទ្ធទាំងនោះអាចមានជំនាញ និងសមត្ថភាពកាន់តែខ្ពស់ក្នុងការវាយប្រហារតាមទីសាធារណៈ បន្ទាប់ពីហេតុការណ៏ផ្ទុះគ្រាប់បែកនៅស្ថានីយ៍រថយន្តក្រុងមួយកន្លែងស្ថិតនៅភាគខាងកើតរដ្ឋធានីហ្សាការតាដែលបង្កឲ្យប៉ូលិសបី នាក់ស្លាប់នោះ។
សូមជម្រាបដែរថា ឥណ្ឌូណេស៊ីដែលជាប្រទេសដែលសំបូរទៅដោយប្រជាជនមូស្លីមច្រើនជាងគេនៅលើពិភពលោក នោះតែងប្រឈមមុខការវាយប្រហារដោយអំពើភេរវកម្មទ្រង់ទ្រាយតូចជាបន្តបន្ទាប់។ ប៉ុន្តែ ការវាយប្រហារភាគច្រើននោះគ្មានគម្រោងច្បាស់លាស់ឡើយ ហើយវាក៏មិនសូវខ្លាំងក្លាដែរ ព្រោះធម្មតាក្រុមភេរវជនប្រើអាវុធដែលធ្វើដោយខ្លួនឯងដែលវាអាចបង្កឲ្យមានការខូតខាតនិងចំនួនមនុស្សស្លាប់តិចតួចប៉ុណ្ណោះ៕
ប៉ូលិសឥណ្ឌូណេស៊ីចាប់ខ្លួនជនសង្ស័យដែលជាក្រុមសកម្មប្រយុទ្ធប្រាំនាក់ និងដកហូតយកសារធាតុគីមីមួយចំនួនផង ដែលគេអាចយកទៅផលិតគ្រាប់បែកដើម្បីវាយប្រហារវិមានប្រធានាធិបតីនៅចុងខែសីហានេះ។ ក្នុងចំណោមពួកគេ មានជនពីរនាក់ត្រូវបានគេចាប់បញ្ជូនពីហុងកុងមកឥណ្ឌូណេស៊ីវិញដោយពាក់ព័ន្ធការផ្សព្វផ្សាយមនោគមន៍វិជ្ជាជ្រុលនិយម។
ទីភ្នាក់ងារព័ត៌មាន Reuters ស្រង់សម្ដីប៉ូលិសឥណ្ឌូណេស៊ីថា ជនសង្ស័យជាក្រុមសកម្មប្រយុទ្ធទាំងនេះរៀនធ្វើគ្រាប់បែកតាមរយៈគេហទំព័ររបស់ជនជាតិឥណ្ឌូណេស៊ីម្នាក់ចូលរួមប្រយុទ្ធជាមួយក្រុមភេរវជននៅស៊ីរីកន្លងមក។
ចំណែក ប៉ូលិសប្រឆាំងអំពើភេរវកម្មឥណ្ឌូណេស៊ីប្រទះឃើញសារធាតុគីមីនៅក្នុងផ្ទះក្រុមជនសង្ស័យនៅក្រុង បានឌុង អំឡុងពេលបង្ក្រាបនោះបាននិយាយថា ក្រុមប៉ូលិសមានប្រតិកម្មស្បែកនិងស្នាមក្រហមនៅលើស្បែកដោសារឥទ្ធិពលសារធាតុគីមី ពេលពួកគេដើរចូលផ្ទះ។
ពាក់ព័ន្ធការបំបែកគម្រោងភេរវកម្មនេះ អ្នកនាំពាក្យប៉ូលិសឥណ្ឌូណេស៊ីលោក Yusri Yunus បាននិយាយថា៖« នេះជាលើកដំបូងហើយដែលពួកគេត្រៀមផលិតគ្រាប់បែកដោយប្រើសារធាតុគីមីនៅភាគខាងកើតរដ្ឋធានីហ្សាការតា។ តែវាមានហាងជាច្រើនដែលបដិសេធលក់សារធាតុគីមីទៅឲ្យក្រុមជនសង្ស័យទាំងនោះ»។
ដោយឡែក ប៉ូលិសឥណ្ឌូណេស៊ីក៏បារម្ភដែរថា ក្រុមសកម្មប្រយុទ្ធទាំងនោះអាចមានជំនាញ និងសមត្ថភាពកាន់តែខ្ពស់ក្នុងការវាយប្រហារតាមទីសាធារណៈ បន្ទាប់ពីហេតុការណ៏ផ្ទុះគ្រាប់បែកនៅស្ថានីយ៍រថយន្តក្រុងមួយកន្លែងស្ថិតនៅភាគខាងកើតរដ្ឋធានីហ្សាការតាដែលបង្កឲ្យប៉ូលិសបី នាក់ស្លាប់នោះ។
សូមជម្រាបដែរថា ឥណ្ឌូណេស៊ីដែលជាប្រទេសដែលសំបូរទៅដោយប្រជាជនមូស្លីមច្រើនជាងគេនៅលើពិភពលោក នោះតែងប្រឈមមុខការវាយប្រហារដោយអំពើភេរវកម្មទ្រង់ទ្រាយតូចជាបន្តបន្ទាប់។ ប៉ុន្តែ ការវាយប្រហារភាគច្រើននោះគ្មានគម្រោងច្បាស់លាស់ឡើយ ហើយវាក៏មិនសូវខ្លាំងក្លាដែរ ព្រោះធម្មតាក្រុមភេរវជនប្រើអាវុធដែលធ្វើដោយខ្លួនឯងដែលវាអាចបង្កឲ្យមានការខូតខាតនិងចំនួនមនុស្សស្លាប់តិចតួចប៉ុណ្ណោះ៕
Tag:
ភេរវកម្ម
ឥណ្ឌូណេស៊ី
Yusri Yunus
© រក្សាសិទ្ធិដោយ thmeythmey.com
