ជាតិ
×![]()
ភ្នំពេញ៖ ជនជាតិដើមភាគតិចមកពីភាគខាងជើង និងភូមិភាគឦសាននៃប្រទេស បារម្ភជាខ្លាំងចំពោះគ្រឿងញៀន ដែលបានចរាចរណ៍មកដល់តំបន់ពួកគេ។ បញ្ហានេះ បាននិងកំពុងឆាឆៅអ្នកភូមិ ឲ្យរស់នៅប្រកបដោយភាពភ័យខ្លាច។ យុវជនតំបន់ព្រៃភ្នំ ដែលធ្លាប់មានភាពស្មោះត្រង់ និងរស់នៅតាមសម្មាជីវោបែបធម្មជាតិ ត្រូវបានងាកមកប្រើគ្រឿងញៀនតាមអ្នកចំណូលថ្មី ដែលបានបង្កឲ្យមានករណីចោរកម្ម អំពើប្លន់ និងករណីចាប់រំលោភសេពសន្ថវៈកើតឡើងជាបន្តបន្ទាប់។
ក្នុងសម្លៀកបំពាក់ជាជនជាតិដើមភាគតិចព្នង លោក ម៉ង វិចិត្រ ជនជាតិព្នងមកនៅខេត្តរតនគិរី បានប្រាប់សារព័ត៌មានថ្មីៗថា យុវជនមួយចំនួននៅខេត្តរតនគិរី បាននាំគ្នាសេពគ្រឿងញៀន ហើយបានប្រព្រឹត្តអំពើលួច និងប្លន់ ដែលធ្វើឲ្យអ្នកភូមិភ័យខ្លាច និងគ្មានសុខសន្តិសុខផ្ទាល់ខ្លួន។ លោកបញ្ជាក់ក្រោយពីចូលរួមសិក្ខាសាលាមួយស្តីពី៖ «ការផ្សព្វផ្សាយវិធានប្រពៃណី គោលនយោបាយ និងច្បាប់ជាតិ និងអន្តរជាតិពាក់ព័ន្ធសិទ្ធិជនជាតិដើមភាគតិច»នៅអាគាររដ្ឋសភា នៅថ្ងៃទី១១ ខែតុលា យ៉ាងដូច្នេះថា៖ «នៅក្នុងភូមិខ្ញុំ មានខ្ទង់៥ទៅ៦នាក់ ដែលញៀនថ្នាំ ហើយពួកគាត់បានលួច ឬគាល់ផ្ទះអ្នកភូមិ ដល់ពេលគេចាប់ដាក់គុក ក៏ឪពុកម្តាយទៅលួស(ធានា) មកវិញ ហើយពួកគេមិនងាយកែប្រែឡើយ»។
ដូចគ្នា អ្នកស្រី ឡាត់ សុខឯម ជនជាតិដើមភាគតិចគ្រឹងនៅខេត្តរតនគិរី និងជាគណៈគ្រប់គ្រងរបស់អង្គការជនជាតិដើមភាគតិចកម្ពុជា បានផ្តល់បទសម្ភាសជូនសារព័ត៌មានថ្មីៗ ថា គ្រឿងញៀន បានហូរចូលមកដល់សហគមន៍ជនជាតិដើមភាគតិច ដែលជាការពិបាកទប់ស្កាត់ខ្លាំងណាស់ ព្រោះបញ្ហានេះ មានតែសមត្ថកិច្ចប៉ុណ្ណោះ ដែលអាចដោះស្រាយបាន។ អ្នកស្រីបញ្ជាក់យ៉ាងដូច្នេះថា៖ «ខ្ញុំនិយាយនេះ មិនរើសអើងបងប្អូនខ្មែរនោះទេ កាលមុនបងប្អូនខ្មែរចូលមករស់នៅ សហគមន៍ពួកខ្ញុំរស់នៅបានសុខសប្បាយ តែក្រោយពួកគាត់ចូលមក គឺមានគ្រឿងញៀន មានចោរ ឆក់ ប្លន់ ហើយសមត្ថកិច្ចនៅឆ្ងាយ ទម្រាំជួយបាន វារត់អស់បាត់»។
មិនមែនតែជនជាតិដើមភាគតិចនៅភាគឦសាននោះទេ ដែលមានគ្រឿងញៀនអុកឡុកនោះ នៅភាគខាងជើងប្រទេសវិញ ពលរដ្ឋនៅទីនោះ បានឲ្យដឹងថា គ្រឿងញៀន ក៏បានចរាចរណ៍ដល់សហគមន៍ជនជាតិដើមផងដែរ។ លោក លូត សាំង ជនជាតិដើមភាគតិចគួយសហគមន៍ប្រមេរខេត្តព្រះវិហារ ក៏បានអះអាងថា សហគមន៍របស់លោក ក៏មានយុវជនមួយចំនួន កំពុងសេពគ្រឿងញៀន និងប្រព្រឹត្តអំពើលួច ឆក់ ប្លន់ និងចាប់រំលោភសេពសន្ថវៈផងដែរ។
លោកនិយាយយ៉ាងនេះថា៖«បើអ្នកចំណូលស្រុក ភាគច្រើនពួកគេជក់គ្រឿងញៀន ដើម្បីមានកម្លាំងកាប់ឈើ និងកុំឲ្យងងុលគេង តែបើយុវជនជនជាតិដើមគួយ មានតិចតួចទេ ដែលពួកគេប្រើប្រាស់តាមគ្នា។ កាលពីមិនទាន់មានប្រជាជនខ្មែរមករស់នៅ នៅប្រជាសហគមន៍ទុកកង់ម៉ូតូចោល១ឬ២យប់ ក៏មិនអីដែរ។ តែ៥ឬ៦ឆ្នាំមកនេះ ទោះបីចាក់សោ តែនៅតែមានគេលួច មានគេប្លន់ រហូតមានករណីរំលោភសម្លាប់ទៀតផង»។
ឆ្លើយតបនឹងសំណួរក្រុមអ្នកសារព័ត៌មានទាក់ទងនឹងបញ្ហាគ្រឿងញៀន លោក ប៉ុល លឹម រដ្ឋលេខាធិការក្រសួងមហាផ្ទៃ បានថ្លែងថា រដ្ឋាភិបាល បានដាក់ចេញនូវគោលនយោបាយភូមិឃុំមានសុត្ថិភាព សម្រាប់ឲ្យអាជា្ញធរអនុវត្តន៍ ដើម្បីរក្សាសន្តិសុខជូនពលរដ្ឋនៅមូលដ្ឋានទូទាំងប្រទេស។ លោក បញ្ជាក់ដូច្នេះថា៖ «អាជ្ញាធរត្រូវខិតខំផ្សព្វផ្សាយគោលនយោបាយភូមិឃុំមានសុវត្ថិភាព មាន៩ ចំណុច ដែលជាអនុសាសន៍របស់សម្តេចតេជោ។លោកបានដាក់ចេញយូរហើយ ហើយក្រសួងមហាផ្ទៃ ទទួលយកអនុសាសន៍នេះ មកដាក់ចេញជាគោលនយោបាយភូមិឃុំមានសុវត្ថិភាព ដូចជា ចរាចរណ៍ ប្រើប្រាស់ និងចែកចាយគ្រឿងញៀន លាក់អាវុធ ក្មេងទំនើងជាអាទិ៍ ហើយដើម្បីបន្ថយបាន អ្នកទាំងអស់គ្នា ត្រូវខិតខំអនុវត្តន៍គោលនយោបាយនេះ ព្រមទាំងទំនាក់ទងគ្នា ដើម្បីដោះស្រាយ»។
ក្រៅពីបញ្ហាគ្រឿងញៀន ការកាប់បំផ្លាញព្រៃឈើ ការរំលោភយកដីធ្លីពីសំណាក់ឈ្នួញ និងការរុករានដីព្រៃពីអ្នកចំណូលស្រុក ក៏កំពុងរំខានសុខដុមរមនារបស់ជនជាតិដើមភាពតិចផងដែរ។ នេះបើតាម លោក ម៉ង វិចិត្រ៕
ក្នុងសម្លៀកបំពាក់ជាជនជាតិដើមភាគតិចព្នង លោក ម៉ង វិចិត្រ ជនជាតិព្នងមកនៅខេត្តរតនគិរី បានប្រាប់សារព័ត៌មានថ្មីៗថា យុវជនមួយចំនួននៅខេត្តរតនគិរី បាននាំគ្នាសេពគ្រឿងញៀន ហើយបានប្រព្រឹត្តអំពើលួច និងប្លន់ ដែលធ្វើឲ្យអ្នកភូមិភ័យខ្លាច និងគ្មានសុខសន្តិសុខផ្ទាល់ខ្លួន។ លោកបញ្ជាក់ក្រោយពីចូលរួមសិក្ខាសាលាមួយស្តីពី៖ «ការផ្សព្វផ្សាយវិធានប្រពៃណី គោលនយោបាយ និងច្បាប់ជាតិ និងអន្តរជាតិពាក់ព័ន្ធសិទ្ធិជនជាតិដើមភាគតិច»នៅអាគាររដ្ឋសភា នៅថ្ងៃទី១១ ខែតុលា យ៉ាងដូច្នេះថា៖ «នៅក្នុងភូមិខ្ញុំ មានខ្ទង់៥ទៅ៦នាក់ ដែលញៀនថ្នាំ ហើយពួកគាត់បានលួច ឬគាល់ផ្ទះអ្នកភូមិ ដល់ពេលគេចាប់ដាក់គុក ក៏ឪពុកម្តាយទៅលួស(ធានា) មកវិញ ហើយពួកគេមិនងាយកែប្រែឡើយ»។
ដូចគ្នា អ្នកស្រី ឡាត់ សុខឯម ជនជាតិដើមភាគតិចគ្រឹងនៅខេត្តរតនគិរី និងជាគណៈគ្រប់គ្រងរបស់អង្គការជនជាតិដើមភាគតិចកម្ពុជា បានផ្តល់បទសម្ភាសជូនសារព័ត៌មានថ្មីៗ ថា គ្រឿងញៀន បានហូរចូលមកដល់សហគមន៍ជនជាតិដើមភាគតិច ដែលជាការពិបាកទប់ស្កាត់ខ្លាំងណាស់ ព្រោះបញ្ហានេះ មានតែសមត្ថកិច្ចប៉ុណ្ណោះ ដែលអាចដោះស្រាយបាន។ អ្នកស្រីបញ្ជាក់យ៉ាងដូច្នេះថា៖ «ខ្ញុំនិយាយនេះ មិនរើសអើងបងប្អូនខ្មែរនោះទេ កាលមុនបងប្អូនខ្មែរចូលមករស់នៅ សហគមន៍ពួកខ្ញុំរស់នៅបានសុខសប្បាយ តែក្រោយពួកគាត់ចូលមក គឺមានគ្រឿងញៀន មានចោរ ឆក់ ប្លន់ ហើយសមត្ថកិច្ចនៅឆ្ងាយ ទម្រាំជួយបាន វារត់អស់បាត់»។
មិនមែនតែជនជាតិដើមភាគតិចនៅភាគឦសាននោះទេ ដែលមានគ្រឿងញៀនអុកឡុកនោះ នៅភាគខាងជើងប្រទេសវិញ ពលរដ្ឋនៅទីនោះ បានឲ្យដឹងថា គ្រឿងញៀន ក៏បានចរាចរណ៍ដល់សហគមន៍ជនជាតិដើមផងដែរ។ លោក លូត សាំង ជនជាតិដើមភាគតិចគួយសហគមន៍ប្រមេរខេត្តព្រះវិហារ ក៏បានអះអាងថា សហគមន៍របស់លោក ក៏មានយុវជនមួយចំនួន កំពុងសេពគ្រឿងញៀន និងប្រព្រឹត្តអំពើលួច ឆក់ ប្លន់ និងចាប់រំលោភសេពសន្ថវៈផងដែរ។
លោកនិយាយយ៉ាងនេះថា៖«បើអ្នកចំណូលស្រុក ភាគច្រើនពួកគេជក់គ្រឿងញៀន ដើម្បីមានកម្លាំងកាប់ឈើ និងកុំឲ្យងងុលគេង តែបើយុវជនជនជាតិដើមគួយ មានតិចតួចទេ ដែលពួកគេប្រើប្រាស់តាមគ្នា។ កាលពីមិនទាន់មានប្រជាជនខ្មែរមករស់នៅ នៅប្រជាសហគមន៍ទុកកង់ម៉ូតូចោល១ឬ២យប់ ក៏មិនអីដែរ។ តែ៥ឬ៦ឆ្នាំមកនេះ ទោះបីចាក់សោ តែនៅតែមានគេលួច មានគេប្លន់ រហូតមានករណីរំលោភសម្លាប់ទៀតផង»។
ឆ្លើយតបនឹងសំណួរក្រុមអ្នកសារព័ត៌មានទាក់ទងនឹងបញ្ហាគ្រឿងញៀន លោក ប៉ុល លឹម រដ្ឋលេខាធិការក្រសួងមហាផ្ទៃ បានថ្លែងថា រដ្ឋាភិបាល បានដាក់ចេញនូវគោលនយោបាយភូមិឃុំមានសុត្ថិភាព សម្រាប់ឲ្យអាជា្ញធរអនុវត្តន៍ ដើម្បីរក្សាសន្តិសុខជូនពលរដ្ឋនៅមូលដ្ឋានទូទាំងប្រទេស។ លោក បញ្ជាក់ដូច្នេះថា៖ «អាជ្ញាធរត្រូវខិតខំផ្សព្វផ្សាយគោលនយោបាយភូមិឃុំមានសុវត្ថិភាព មាន៩ ចំណុច ដែលជាអនុសាសន៍របស់សម្តេចតេជោ។លោកបានដាក់ចេញយូរហើយ ហើយក្រសួងមហាផ្ទៃ ទទួលយកអនុសាសន៍នេះ មកដាក់ចេញជាគោលនយោបាយភូមិឃុំមានសុវត្ថិភាព ដូចជា ចរាចរណ៍ ប្រើប្រាស់ និងចែកចាយគ្រឿងញៀន លាក់អាវុធ ក្មេងទំនើងជាអាទិ៍ ហើយដើម្បីបន្ថយបាន អ្នកទាំងអស់គ្នា ត្រូវខិតខំអនុវត្តន៍គោលនយោបាយនេះ ព្រមទាំងទំនាក់ទងគ្នា ដើម្បីដោះស្រាយ»។
ក្រៅពីបញ្ហាគ្រឿងញៀន ការកាប់បំផ្លាញព្រៃឈើ ការរំលោភយកដីធ្លីពីសំណាក់ឈ្នួញ និងការរុករានដីព្រៃពីអ្នកចំណូលស្រុក ក៏កំពុងរំខានសុខដុមរមនារបស់ជនជាតិដើមភាពតិចផងដែរ។ នេះបើតាម លោក ម៉ង វិចិត្រ៕
Tag:
ជនជាតិដើមភាគតិច
គ្រឿងញៀន
© រក្សាសិទ្ធិដោយ thmeythmey.com
