អន្តរជាតិ
សភាអ៊ូហ្កង់ដាត្រៀមកែមាត្រាដែលកំណត់អាយុប្រធានាធិបតីត្រឹម៧៥ឆ្នាំ
×![]()
ដោយ: ថ្មីៗ
សភាអ៊ូហ្កង់ដានៅថ្ងៃចន្ទទី ១៨ ខែធ្នូបានសម្រេចបើកកិច្ចប្រជុំពិភាក្សាដេញដោលគ្នាលើសេចក្តីព្រាងច្បាប់ដ៏ចម្រូងចម្រាសមួយដែលមានគោលដៅលុបចោលមាត្រាដែលកំណត់អាយុប្រធានាធិបតីត្រឹម ៧៥ឆ្នាំនោះ។ ច្បាប់នេះគោលដៅត្រួសត្រាយផ្លូវឲ្យប្រធានាធិបតីបច្ចុប្បន្នដែលមានវ័យ ៧៣ អាចឈរឈ្មោះបានទៀតនៅឆ្នាំ ២០២១ខាងមុខ។
អ៊ូហ្កង់ដាប្រហែលជានឹងមានប្រធានាធិបតីអាយុលើសពី៧៥ឆ្នាំ នៅពេលខាងមុខ ខណៈដែលសភាបើកអង្គប្រជុំដើម្បីជជែកដេញដោលគ្នាពាក់ព័ន្ធសេចក្តីព្រាងច្បាប់វិសោធនកម្មលុបចោលមាត្រាក្នុងរដ្ឋធម្មនុញ្ញដែលកំណត់អាយុប្រធានាធិបតីត្រឹម ៧៥ឆ្នាំនោះ។
បើតាមទីភ្នាក់ងារព័ត៌មាន AFP ប្រធានគណៈកម្មាធិការនីតិកម្មនិងកិច្ចការសភា Jacob Oboth Oboth បានរៀបចំរបាយការណ៍ក្រោយពេលរៀបចំការស្រាវជ្រាវពាក់ព័ន្ធការស្នើសុំវិសោធនកម្មរដ្ឋធម្មនុញ្ញបច្ចុប្បន្ន។ ពាក់ព័ន្ធបញ្ហានេះ គណបក្សប្រឆាំងអ៊ូហ្កង់ដាបានចោទប្រកាន់ថា ការត្រៀមកែរដ្ឋធម្មនុញ្ញនេះជាការជួយត្រួសត្រាយផ្លូវសម្រាប់ប្រធានាធិបតី Yoweri Museveni ឲ្យបានកាន់តំណែងបន្តទៀតប៉ុណ្ណោះ។
សមាជិកសភានឹងជជែកដេញដោល និងបញ្ចប់ការបោះឆ្នោតអនុវត្តច្បាប់នេះឲ្យបានមុនពេលថ្ងៃឈប់សម្រាកមកដល់ចុងសប្តាហ៍នេះ។
«គេរំពឹងថា យើងជជែកពិភាក្សានៅថ្ងៃចន្ទ និងថ្ងៃអង្គារ។ យើងត្រូវយោគយល់គ្នាក្នុងពេលជជែកដេញដោល ហើយចុងក្រោយសមាជិកទាំងអស់នឹងបោះឆ្នោតសម្រេចថាត្រូវគាំទ្រ ឬការប្រឆាំងនោះ»។ នេះជាសម្តីរបស់លោក Jacob Oboth Oboth។
បើសិនជាច្បាប់នេះត្រូវបានអនុម័តជាផ្លូវការមែននោះ ច្បាប់នេះនឹងអនុញ្ញាតឲ្យលោក Museveni ដែលបច្ចុប្បន្នមានអាយុ ៧៣ឆ្នាំអាចឈរឈ្មោះបានទៀតនៅឆ្នាំ ២០២១នៅពេលដែលលោកមានវ័យលើស ៧៥ឆ្នាំនោះ។
គេសង្កេតឃើញមានការពង្រាយកងទ័ព និងកម្លាំងប៉ូលិសជាច្រើនសន្ធឹកសន្ធាប់នៅជុំវិញរដ្ឋធានី Kampala និងនៅក្រុងធំៗជាច្រើនទៀតដើម្បីការពារក្រែងមានអំពើហិង្សាកើតឡើងនៅមុនពេលការជជែកដេញដោលក្នុងសភានេះចាប់ផ្តើមឡើងដែរ។រដ្ឋាភិបាលបានហាមប្រាមគណបក្សប្រឆាំង និងប្រជាជនធ្វើបាតុកម្មដែលមានគោលដៅទប់ស្កាត់ឬរំខានដល់ការជជែកដេញដោល និងអនុម័តច្បាប់នេះផងដែរ។
សូមបញ្ជាក់ថា កាលពីខែកញ្ញា វាក៏មានការវាយតប់គ្នាកើតឡើងដែរនៅក្នុងសភារវាងសមាជិកបក្សកាន់អំណាច និងគណបក្សប្រឆាំងនៅពេលដែលញ្ញត្តិគាំទ្រឲ្យមានការដកអាយុកំណត់សម្រាប់ប្រធានាធិបតីត្រូវបានគេដាក់ក្នុងរបៀបវារៈនៃកិច្ចប្រជុំសភា៕
អ៊ូហ្កង់ដាប្រហែលជានឹងមានប្រធានាធិបតីអាយុលើសពី៧៥ឆ្នាំ នៅពេលខាងមុខ ខណៈដែលសភាបើកអង្គប្រជុំដើម្បីជជែកដេញដោលគ្នាពាក់ព័ន្ធសេចក្តីព្រាងច្បាប់វិសោធនកម្មលុបចោលមាត្រាក្នុងរដ្ឋធម្មនុញ្ញដែលកំណត់អាយុប្រធានាធិបតីត្រឹម ៧៥ឆ្នាំនោះ។
បើតាមទីភ្នាក់ងារព័ត៌មាន AFP ប្រធានគណៈកម្មាធិការនីតិកម្មនិងកិច្ចការសភា Jacob Oboth Oboth បានរៀបចំរបាយការណ៍ក្រោយពេលរៀបចំការស្រាវជ្រាវពាក់ព័ន្ធការស្នើសុំវិសោធនកម្មរដ្ឋធម្មនុញ្ញបច្ចុប្បន្ន។ ពាក់ព័ន្ធបញ្ហានេះ គណបក្សប្រឆាំងអ៊ូហ្កង់ដាបានចោទប្រកាន់ថា ការត្រៀមកែរដ្ឋធម្មនុញ្ញនេះជាការជួយត្រួសត្រាយផ្លូវសម្រាប់ប្រធានាធិបតី Yoweri Museveni ឲ្យបានកាន់តំណែងបន្តទៀតប៉ុណ្ណោះ។
សមាជិកសភានឹងជជែកដេញដោល និងបញ្ចប់ការបោះឆ្នោតអនុវត្តច្បាប់នេះឲ្យបានមុនពេលថ្ងៃឈប់សម្រាកមកដល់ចុងសប្តាហ៍នេះ។
«គេរំពឹងថា យើងជជែកពិភាក្សានៅថ្ងៃចន្ទ និងថ្ងៃអង្គារ។ យើងត្រូវយោគយល់គ្នាក្នុងពេលជជែកដេញដោល ហើយចុងក្រោយសមាជិកទាំងអស់នឹងបោះឆ្នោតសម្រេចថាត្រូវគាំទ្រ ឬការប្រឆាំងនោះ»។ នេះជាសម្តីរបស់លោក Jacob Oboth Oboth។
បើសិនជាច្បាប់នេះត្រូវបានអនុម័តជាផ្លូវការមែននោះ ច្បាប់នេះនឹងអនុញ្ញាតឲ្យលោក Museveni ដែលបច្ចុប្បន្នមានអាយុ ៧៣ឆ្នាំអាចឈរឈ្មោះបានទៀតនៅឆ្នាំ ២០២១នៅពេលដែលលោកមានវ័យលើស ៧៥ឆ្នាំនោះ។
គេសង្កេតឃើញមានការពង្រាយកងទ័ព និងកម្លាំងប៉ូលិសជាច្រើនសន្ធឹកសន្ធាប់នៅជុំវិញរដ្ឋធានី Kampala និងនៅក្រុងធំៗជាច្រើនទៀតដើម្បីការពារក្រែងមានអំពើហិង្សាកើតឡើងនៅមុនពេលការជជែកដេញដោលក្នុងសភានេះចាប់ផ្តើមឡើងដែរ។រដ្ឋាភិបាលបានហាមប្រាមគណបក្សប្រឆាំង និងប្រជាជនធ្វើបាតុកម្មដែលមានគោលដៅទប់ស្កាត់ឬរំខានដល់ការជជែកដេញដោល និងអនុម័តច្បាប់នេះផងដែរ។
សូមបញ្ជាក់ថា កាលពីខែកញ្ញា វាក៏មានការវាយតប់គ្នាកើតឡើងដែរនៅក្នុងសភារវាងសមាជិកបក្សកាន់អំណាច និងគណបក្សប្រឆាំងនៅពេលដែលញ្ញត្តិគាំទ្រឲ្យមានការដកអាយុកំណត់សម្រាប់ប្រធានាធិបតីត្រូវបានគេដាក់ក្នុងរបៀបវារៈនៃកិច្ចប្រជុំសភា៕
Tag:
អ៊ូហ្កង់ដា
រដ្ឋធម្មនុញ្ញ
Yoweri Museveni
© រក្សាសិទ្ធិដោយ thmeythmey.com
