អត្ថបទពាណិជ្ជកម្ម
សាលាអន្តរជាតិហ្សាម៉ាន់ ប្រគល់រង្វាន់អាហារូបករណ៍ដល់សិស្សពូកែប្រចាំឆ្នាំ
×![]()
សាលាអន្តរជាតិហ្សាម៉ាន់ ចូលរួមអបអរចំពោះជោគជ័យរបស់សិស្សានុសិស្ស តាមរយៈការផ្ដល់រង្វាន់ជាប្រាក់ឧបត្ថម្ភ និងការបញ្ចុះថ្លៃសិក្សា ដល់សិស្សដែលប្រឡងបានពិន្ទុខ្ពស់។
សាលាអន្តរជាតិហ្សាម៉ាន់ បានប្រគល់រង្វាន់អាហារូបករណ៍ចំនួន ១០០កន្លែង ក្នុងឱកាសកម្មវិធីប្រគល់រង្វាន់អាហារូបករណ៍ប្រចាំឆ្នាំដែលបានប្រព្រឹត្តទៅ នៅថ្ងៃអង្គារ ទី២៥ ខែកញ្ញា កន្លងទៅនេះ នៅសាកលវិទ្យាល័យហ្សាម៉ាន់ ក្នុងខណ្ឌទួលគោក រាជធានីភ្នំពេញ។
សិស្សានុសិស្សដែលជាប់អាហារូបករណ៍ គឺជាសិស្សដែលទទួលបានពិន្ទុខ្ពស់ ពីការប្រឡងនានាកាលពីពេលថ្មីនេះៗ។
ប្រធានគ្រប់គ្រងសាលាអន្តរជាតិហ្សាម៉ាន់ បានថ្លែងកោតសរសើរដល់បញ្ញវន្តវ័យក្មេងរបស់សាលា ចំពោះសមត្ថភាពរបស់ពួកគាត់ ដែលសម្រេចបានស្របតាមបេសកកម្ម និងចក្ខុវិស័យរបស់សាលា។
ក្រៅពីសិស្សានុសិស្សដែលទទួលបានប្រាក់រង្វាន់ហើយនោះ សាលាអន្តរជាតិហ្សាម៉ាន់ ក៏មានសិស្សដែលត្រូវបានជ្រើសរើសដើម្បីទទួលរង្វាន់ ចំពោះភាពជោគជ័យពីការប្រឡងសិស្សពូកែថ្នាក់ជាតិកន្លងទៅនេះ រួមទាំងសិស្សដែលទទួលបានជោគជ័យ ពីការប្រឡង ខេមប្រ៊ីជ ដូចជាការប្រឡង A Levels ជាដើម។
សម្រាប់ព័ត៌មានបន្ថែម អំពីព្រឹត្តិការណ៍នេះ ឬព័ត៌មានផ្សេងៗអំពីសាលាអន្តរជាតិហ្សាម៉ាន់ សូមទាក់ទងមកកាន់ក្រុមការងារផ្នែកទីផ្សារ តាមរយៈអាសយដ្ឋានអ៊ីមែល [email protected] ឬទូរស័ព្ទលេខ +855 23 72 72 62៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
