ព័ត៍មានសុខភាព
សុខភាព៖ ៥សំណួរដែលគួរសួរដៃគូមុនពេលរួមភេទ
× ជីវិតរស់នៅមួយនេះពោរពេញទៅដោយផលវិបាកកាន់តែច្រើន ហើយក៏ទាក់ទងនឹងជីវិតផ្លូវភេទដែរ។ សព្វថ្ងៃនេះ សិចមានភាពពេញនិយមដូចធម្មតា ចាប់តាំងពីទំនាក់ទំនងស្នេហារយៈពេលយូរ រហូតដល់ជ្រុលរួមភេទជាមួយគ្នា។ តែបើយើងនិយាយអំពីការរួមភេទវិញ វានៅតែជាបញ្ហាចំពោះផ្លូវកាយ និងផ្ទាល់ខ្លួនដដែល ហើយមនុស្សភាគច្រើននៅតែប្រឈមមុខចំពោះបញ្ហាសុខភាពជាពិសេសជំងឺកាមរោគតែម្តង។ ដូច្នេះមុនពេលរួមភេទគួរប្រើសំណួរអ្វីខ្លះទៅដៃគូ?
តើអ្នករៀបការហើយឬនៅ?
ច្បាស់ណាស់ អ្នកដែលល្បីល្បាញ និងអ្នកនយោបាយកំពុងតែប្រើសិល្បៈដើម្បីកុហកគេ។ទម្រាំអ្នកផ្សេងៗទៀតនោះតើវាទៅជាយ៉ាងណាដែរ? គឺមិនសូវជាខុសគ្នាប៉ុន្មានទេ។ តាមការសិក្សាស្រាវជ្រាវភាគច្រើនបានអោយដឹង ប្តីឬប្រពន្ធដែលមានការនិយាយកុហកបោកប្រាស់គ្នាគ្រប់ទីកន្លែងនោះមានពី ១៥ទៅ៧០ភាគរយ ចំណែកឯការសិក្សារបស់សាកលវិទ្យាលតិចសាសបានប្រាប់ថា មានចំនួន ៤០ ទៅ៧៦ភាគរយ។
មិនត្រូវរំពឹងអោយដៃគូផ្សព្វផ្សាយថា គេពិតជាមានចំណងស្នេហាជាមួយនរណាម្នាក់ទៀតឡើយ។ ការនិយាយកុហក ឬបោកប្រាស់គឺជាឬសគល់ដ៏ខ្លាំងមួយនៃភាពផិតក្បត់។ បើសិនជាដៃគូអ្នកមិនមែនជាអ្នកជំនាញខាងកុហកក៏ដោយ ក៏សំណួរដែលសួរដោយចិត្តស្មោះ និងត្រង់ៗច្រើនតែអាចបង្ហើបអោយដឹងអំពីស្ថានភាពអាពាហ៍ពិពាហ៍គេបានដែរ។ រឿងនេះអាចនឹងមានហេតុផលដែលសមរម្យចំពោះចម្លើយដូចជា ការលែងលះគ្នាជាដើម ប៉ុន្តែវាគឺជាព័ត៌មានពិតប្រាកដដែលអ្នកចង់បានមុនពេលរួមភេទ។
តើអ្នកធ្លាប់មានប្រវត្តរួមភេទជាមួយនរណាទេ?
មកដល់ពេលនេះ និងអាយុប៉ុណ្ណេះ អ្នកមិនមែនគ្រាន់តែកំពុងដេកជាមួយមនុស្សតែម្នាក់ទេ តែកំពុងតែដេកជាមួយមនុស្សគ្រប់គ្នាដែលគេបានដេកជាមួយមនុស្សផ្សេងៗមុនអ្នកទៅទៀត។ នោះហើយគឺជាការពិតនៃការធ្វើបដិវត្តន៍ខាងផ្លូវភេទ។
ពិតណាស់ ការបារម្ភដែលសំខាន់ជាងគេនោះគឺជំងឺកាមរោគឯណោះទេ ព្រោះវាចាប់ផ្តើមរាតត្បាតលើមនុស្សទៀតហើយចាប់តាំងពីមានការរលាកតិចតួច (ចៃលើរោមថ្ងាស់ក្រោម និងជំងឺប្រមេះទឹកថ្លា) ,ការឈឺចាប់ខ្លះ (ជំងឺប៉េស ឬឬសនៅប្រដាប់ភេទ) រហូតដល់ក្នុងដំណាក់កាលសម្ងំ (ជំងឺប្រមេះទឹកបាយ, ជំងឺស្វាយ រហូតដល់ជំងឺអេដស៍)។ នោះហើយគឺដំណឹងដ៏មានតម្លៃដែលអ្នកត្រូវការយល់ដឹងទុកមុន។
ចូរចាំថា អ្នកមានសិទ្ធិពិតប្រាកដមួយក្នុងការសួរសំណួរទៅដៃគូគ្រប់រូបថាពួកគេមានធ្វើតេស្តរកមើលមេរោគអេដស៍ ឬជំងឺកាមរោគគ្រប់ប្រភេទ ឬមានទំនាក់ទំនងស្នេហាជាមួយអ្នកធ្វើតេស្តឃើញមេរោគអេដស៍ដែរឬអត់បាន។ ដៃគូភាគច្រើននឹងសប្បាយចិត្តចំពោះការបារម្ភរបស់អ្នក និងស្វាគមន៍ក្នុងការប្រាប់អំពីបទពិសោធន៍ផ្ទាល់ខ្លួនពួកគេទៀតផង។ តែបើពួកគេមិនព្រមប្រាប់ទេ គួរតែជ្រើសរើសយកភ្លើងក្រហមចំពោះការរួមភេទនេះទៅ។
តើការរួមភេទណាមួយដែលអ្នកពេញចិត្ត?
ភាពមិនទៀងទាត់ប្រហែលជាផ្នែកមួយនៃជីវិតរបស់មនុស្ស ប៉ុន្តែវាមិនមែនចេះតែត្រូវធ្វើនូវរឿងដដែលៗជានិច្ចនោះទេ។ មនុស្សគ្រប់គ្នាសុទ្ធតែមានគំនិតនៃការផ្សងព្រេងរៀងៗខ្លួនទាំងអស់ ជាពិសេសការងារលើគ្រែតែម្តង។ ការរួមភេទមានច្រើនប្រភេទណាស់អាស្រ័យទៅតាមក្បាច់, មាត់ច្រក និងការផ្លាស់ប្តូរផ្សេង។ ទោះបីជាមានការហាមប្រាមក៏ដោយ ក៏ការរួមភេទមាត់ និងរួមភេទតាមរន្ធគូថនៅតែជាវិធីសាស្ត្រសម្រាប់រួមភេទដដែលទេ។
ភាគច្រើនបុរស និងស្ត្រីដែលអសមត្ថភាពខាងផ្លូវភេទតែមានបញ្ហាថប់អារម្មណ៍ក្នុងពេលរួមភេទ ហើយវាច្រើនតែកើតឡើងដោយមិនដឹងខ្លួន។ កាលណាទទួលបានភាពច្បាស់លាស់អំពីរឿងនេះកាន់តែលឿន អ្នកនឹងទទួលបានភាពរីករាយកាន់តែល្អដែរ។ ដូច្នេះនេះជាសំណួរមួយដ៏សំខាន់សម្រាប់ភ្ញោចអោយមានសម្ពាធរវាងដៃគូទាំងពីរ និងបណ្តុះអារម្មណ៍សម្រាប់សមរភូមិលើគ្រែបាន។
តើអ្នកកំពុងតែអនុវត្តការរួមភេទដ៏មានសុវត្ថិភាព និងផាសុខភាពដែរទេ?
ការដែលមិនប្រុងប្រយ័ត្នមិនគួរអោយកើតមានពេលឡើងគ្រែឡើយ។ មែនហើយ មានគូសង្សាច្រើនណាស់មិនបានសួររំខានអំពីសំណួរដ៏សំខាន់នេះទេ។ ទោះបីជាយ៉ាងណាក៏ដោយ ការរួមភេទដែលមានសុវត្ថិភាពគឺជារឿងដែលសំខាន់ជាងអ្វីទាំងអស់ព្រោះវាអាចសង្គ្រោះជីវិតអ្នកបាន។
លើសពីនេះទៅទៀត ការអនុវត្តនូវការរួមភេទដែលមានសុវត្ថិភាពនៅមិនទាន់គ្រប់គ្រាន់ជានិច្ចនោះទេ ហើយអ្នកក៏គួរតែដឹងថាតើដៃគូតែងតែគិតគូអំពីរឿងនេះដូចគ្នាដែរឬអត់មុនពេលគិតចង់រួមភេទដោយមិនបាច់ការពារ។ ព្រោះការរួមភេទដែលមិនបានការពារ គឺមានការប្រឈមមុខនឹងជំងឺខ្ពស់មែនទែន។
ការធ្វើតេស្តរកមើលជំងឺអេដស៍ និងមេរោគអេដស៍គឺជារឿងសំខាន់ ប៉ុន្តែក៏មិនមែនធានាទាំងស្រុងនោះទេ ព្រោះវីរុសអាចរកមិនឃើញក្នុងដំណាក់កាលភ្លាមៗ (រហូតដល់៦ខែឯណោះដំបូង)។ ជំងឺកាមរោគផ្សេងទៀតដូចជា ជំងឺប៉េសប្រដាប់ភេទ និងឬសប្រដាប់ភេទអាចឆ្លងបានទោះបីជាមិនមានឃើញអ្វីជារោគសញ្ញាជាក់ស្តែងក៏ដោយ។ អ្នកអាចចោទជាសំណួរដូចជា៖ តើអ្នកមានបានទៅធ្វើតេស្តរកមើលមេរោគអេដស៍ និងជំងឺកាមរោគទេ, ស្មេហ៍ស្មោះប្តីមួយប្រពន្ធមួយដែរទេ ឬប្រើស្រោមអនាម័យគ្រប់ពេលរួមភេទដែរទេ? ពិតណាស់សំណួរនេះទំនងជាពិបាកនឹងនិយាយណាស់ ប៉ុន្តែជាសំណួរល្អ និងត្រឹមត្រូវ។
តើអ្នកកំពុងតែប្រើវិធីពន្យាកំណើតដែរទេ?
នេះគឺជាសំណួរដែលគេច្រើនតែសួរជាញឹកញាប់ និងពេញនិយមជាងគេមុនពេលរួមភេទ ព្រោះមានក្មេងច្រើនណាស់ដែលកើតមកដោយសារតែកង្វះការប្រុងប្រយ័ត្ន។ បើសិនអ្នកមិនទាន់មានគម្រោងចង់ក្លាយជាឪពុកម្តាយគេទេ គួរតែពិចារណាប្រើប្រាស់គម្រោងពន្យាកំណើតខ្លះទៅ (ស្រោមអនាម័យ, ថ្នាំគ្រាប់ពន្យាកំណើត, បង់បិតពន្យាកំណើត ឬកងដាក់ក្នុងស្បូន)។ ស្រោមអនាម័យមិនត្រឹមតែជាវិធីបង្ការជំងឺកាមរោគដ៏ល្អបំផុតទេ តែវាក៏ជាទ័ពស្រួចក្នុងការបង្ការកុំអោយមានកូនដោយចៃដន្យដែរ ជាពិសេសពេលប្រើជាមួយគ្នានឹងវិធីពន្យាកំណើតផ្សេងៗទៀត។
បើសិនជាអ្នកពិតជាចង់បានកូនមែន ចូរប្រាកដថាអ្នកបានសួរដៃគូបញ្ជាក់ដែរថា “តើប្រាកដថាចង់បានកូនដែរឬអត់?” ឬ “តើមានគម្រោងអ្វីទៀតទេសម្រាប់ថ្ងៃក្រោយ?” បើសិនជាសំណួរទាំងនេះធ្វើអោយខាតអារម្មណ៍ ប្រហែលជាអ្នកគួរប្រើវិធីពន្យាកំណើតណាផ្សេងវិញហើយ៕
© រក្សាសិទ្ធិដោយ thmeythmey.com