ភ្នំពេញ៖ កម្មការិនីរោងចក្រម្នាក់ទៀត ជាមនុស្សទី២លាននាក់ ដែលបានចាក់វ៉ាក់សាំងកូវីដ-១៩ នឹងបានប្រាក់១០លានរៀលពីរដ្ឋាភិបាល។ នេះបើតាមសម្ដេច ហ៊ុន សែន សរសេរលើហ្វេសប៊ុក នៅថ្ងៃទី១៤ ឧសភានេះ។

 

តាមរយៈហ្វេសប៊ុកសម្ដេច ហ៊ុន សែន បានបញ្ជាឱ្យលោកស្រី ឱ វណ្ណឌីន ប្រធានគណៈកម្មការចំពោះកិច្ចលើការចាក់វ៉ាក់សាំង ប្រគល់ប្រាក់ឱ្យកម្មការិនីរូបនេះ។ «យើងរកឃើញមនុស្សទី២លាន ដែលបានទៅក្មួយស្រី ទិត ចិន្តា អាយុ២៣ឆ្នាំ ជាកម្មការិនីរោងចក្រ នឹងទទួលបានប្រាករង្វាន់លើកទឹកចិត្តចំនួនទឹកប្រាក់១០លានរៀល»។
 

កាលពីថ្ងៃទី១១ មេសា រដ្ឋាភិបាល ក៏បានប្រគល់ប្រាក់រង្វាន់១០លានរៀល ដល់លោក ប៉ាន់ សុវណ្ណរិទ្ធី ដែលជាមនុស្សទី១លាននាក់ បានចាក់វ៉ាក់សាំងបង្ការកូវីដ-១៩ដែរ។