ក្នុងចំណោមអ្នកវិជ្ជមាននៅថ្ងៃទី១៨ ឧសភានោះ មានជាង៨០នាក់ គឺជាកម្មករសំណង់ និងអ្នកធ្វើការនៅការដ្ឋានសំណង់ ២កន្លែង ក្នុងសង្កាត់ឃ្មួញ និងសង្កាត់ទឹកថ្លា ខណ្ឌសែនសុខ។  របាយការណ៍នៃអ្នកឆ្លងប្រចាំថ្ងៃ របស់រដ្ឋបាលរាជធានីភ្នំពេញ បានឱ្យដឹងទៀតថា ក្រុមកម្មករ-កម្មការិនី ក្នុងខណ្ឌមានជ័យ និងខណ្ឌពោធិ៍សែនជ័យ នៅតែមានអត្រាឆ្លងខ្ពស់ដដែល។ 

 

ក្រៅពីនេះអ្នកឆ្លងគឺជាអាជីវករ, អ្នកបើកបរ, បុគ្គលិកក្រុមហ៊ុន មន្ត្រីកងរាជអាវុធហត្ថ,សន្តិសុខ, គ្រូបង្រៀន និងមាន៤នាក់ជាជនជាតិចិន ដែលក្នុងនោះមាន៣នាក់ ត្រូវបានរកឃើញតេស្តវិជ្ជមានកូវីដ-១៩ នៅពេលដាក់ស្នើសុំលិខិតធ្វើដំណើរទៅក្រៅប្រទេស ។

 

គិតមកដល់ពេលនេះ កម្ពុជាមានអ្នកកើតកូវីដ-១៩ ចំនួន ២៣២៨២នាក់ ដោយសះស្បើយមាន ១៤៩៥៥នាក់ និងស្លាប់កើនដល់ ១៥៩នាក់៕