ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
សាលាឆាន់នៅវត្តរាជបូណ៌ អាយុកាលជាង៩ទសវត្សរ៍ ត្រូវបានជួសជុលឡើងវិញ
31, May 2021 ,
8:59 am
រូបភាព
×
ដោយ:
ថ្មីៗ
ដោយ៖ ប៉ូ សុភា
ភ្នំពេញ៖ សាលាឆាន់អាយុកាលជាង ៩0ឆ្នាំនៅវត្តរាជបូណ៌ ក្នុងខេត្តសៀមរាប ត្រូវបានជួសជុលឡើងវិញ ដោយអាជ្ញាធរជាតិអប្សរា។ គម្រោងអភិរក្ស និងជួសជុលសាលាឆាន់នេះ អាជ្ញាធរជាតិអប្សរា គ្រោងចំណាយថវិកាជាង ១៩៥លានរៀល និងប្រើពេលជាង៤ខែ ។
សាលាឆាន់បុរាណ មានវ័យចំណាស់ និងទ្រុឌទ្រោមចំនួន១ខ្នង ស្ថិតនៅក្នុងវត្តរាជបូណ៌ ភូមិវត្តបូព៌ ឃុំសាលាកំរើក ស្រុកសៀមរាប ខេត្តសៀមរាប ជាសម្បត្តិបេតិកភណ្ឌព្រះពុទ្ធសាសនាខ្មែរ ដែលត្រូវជួសជុល និងអភិរក្សឡើងវិញ ដោយអ្នកជំនាញបច្ចេកទេសនៃអាជ្ញាធរជាតិអប្សរា។ ដំណើរការជួសជុលនេះ ត្រូវបានផ្តួចផ្តើមដោយព្រះមហាវិមលធម្ម ពិន សែម សិរីសុវណ្ណោ ព្រះរាជាគណៈថ្នាក់ទោ និងជាឧត្តមទីប្រឹក្សាគណៈសង្ឃនាយក និងជាព្រះគ្រូចៅអធិការវត្តរាជបូណ៌។
នាយកដ្ឋានរៀបចំដែនដី-និងគ្រប់គ្រងលំនៅដ្ឋានក្នុងឧទ្យានអង្គរ
សកម្មភាពនៃការប្រឹក្សាបច្ចេកទេស រួមទាំងការចំណាយថវិកា ត្រូវបានអាជ្ញាធរជាតិអប្សរារ៉ាប់រងទាំងស្រុង។ ក្រុមបច្ចេកទេស បានបែងចែកការជួសជុលជាពីរដំណាក់កាលគឺ ទី១ជួសជុលដំបូល រីឯទី២ ជួសជុលតួ និងខឿនរបស់សាលាឆាន់។ ការជួសជុលនេះ ចាប់ផ្ដើមថ្ងៃទី២១ ខែឧសភាឆ្នាំ២០២១ ហើយអាជ្ញាធរជាតិអប្សរាគ្រោងនឹងបញ្ចប់នៅក្នុងខែកញ្ញា ឆ្នាំ២០២១។ នេះបើតាមអាជ្ញាធរអប្សរា។
បើយោងតាមការបញ្ជាក់របស់ លោក ស៊ឹម ប៊ុនធឿន ជាអនុប្រធាននាយកដ្ឋានរៀបចំដែនដី និងគ្រប់គ្រងលំនៅដ្ឋានក្នុងឧទ្យានអង្គរ បានប្រាប់អ្នកសារព័ត៌មាន Thmey Thmey25 តាមសារអេឡិចត្រូនិកដូច្នេះ៖ « នៅថ្ងៃអនាគត បន្ទាប់ពីការជួសជុលរួចរាល់ ចំពោះការប្រើប្រាស់សាលាឆាន់ចាស់នេះ គឺអាស្រ័យទៅតាមការចាត់ចែងរបស់វត្ត។ អាជ្ញាធរជាតិអប្សរានឹងនៅតែបន្តការជួយជ្រោមជ្រែង និងប្រឹក្សាផ្នែកបច្ចេកទេសផ្សេងៗ ក្នុងករណីមានការមានការស្នើសុំ»។
បច្ចុប្បន្ន សំណង់អគារសាលាឆាន់ មានអាយុកាលជាង ៩ទសវត្សរ៍ នៅវត្តរាជបូណ៌ មានបណ្តោយប្រវែង២២.៨ម៉ែត្រ ទទឹង ២១.២៥ម៉ែត្រ និងកម្ពស់១០.៩២ម៉ែត្រ ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
វត្តរាជបូណ៌
សាលាឆាន់
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
4 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
1 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
6 ថ្ងៃ
អត្ថបទពេញនិយមបន្ថែម