ជាតិ
សង្គមជាតិ
សកម្មជនបរិស្ថានទាំង៣រូប ត្រូវបានឃុំខ្លួនបណ្ដោះអាសន្ននៅព្រៃស
× ភ្នំពេញ៖ សកម្មជនបរិស្ថានទាំង៣រូប ត្រូវបានចៅក្រមស៊ើបសួរសម្រេចឃុំខ្លួនបណ្ដោះអាសន្ន នៅពន្ធនាគារព្រៃស ដើម្បីរង់ចាំដំណើរការនីតិវិធីបន្តទៀតជុំវិញបទចោទ រួមគំនិតក្បត់ និងប្រមាថព្រះមហាក្សត្រ។
ក្នុងកិច្ចសម្ភាសន៍ជាមួយសារព័ត៌មានថ្មី លោក សំ គង់ មេធាវីរបស់សកម្មជនទាំង៣រូបបានបញ្ជាក់ថា៖ «ក្រោយពីមានការដេញដោលពេលមួយថ្ងៃនេះ គឺចៅក្រមលោក ព្រំ វណ្ណៈ បានសម្រេចឃុំខ្លួនបណ្ដោះអាសន្ន ដែលបានបញ្ជូនពួកគេទៅមណ្ឌលអប់រំកែប្រែ១ មណ្ឌលអប់រំកែប្រែ២ ទៅពន្ធនាគារព្រៃសរួចហើយ»។
មេធាវីរូបនេះថា ចៅក្រមស៊ើបសួរបានសារសួរ សកម្មភាពការងាររបស់ក្រុមយុវជនទាំង៣រូប ចាប់តាំងពីឆ្នាំ២០១២ រហូតដល់ឆ្នាំ២០២១នេះ។
© រក្សាសិទ្ធិដោយ thmeythmey.com