មនុស្ស ១៣៣នាក់ទៀត វិជ្ជមានកូវីដ-១៩ ភាគច្រើនជាកម្មករោងចក្រ។ ក្នុងចំណោមអ្នកវិជ្ជមានទាំងនោះ មានអ្នករស់នៅក្រុងកំពត ស្រុកកំពង់ត្រាច ដងទង់ បន្ទាយមាស ទឹកឈូ ឈូក និងស្រុកអង្គរជ័យ។ អ្នកជំងឺមួយចំនួនទៀត ជាអ្នកខេត្តកែប តាកែវ បាត់ដំបង ព្រះសីហនុ កណ្តាល និងខេត្តកំពង់ស្ពឺ។ បច្ចុប្បន្នខេត្តកំពតមានអ្នកឆ្លងកូវីដ-១៩ សរុប ១៦៥២នាក់ ក្នុងនោះ ៩៥៣នាក់ នាក់បានជាសះស្បើយ ១៧នាក់ស្លាប់ និងមានអ្នកជំងឺ ៦៨២នាក់ កំពុងសម្រាកព្យាបាល។ 

 

មនុស្ស ១២៣នាក់ទៀត ឆ្លងកូវីដ-១៩ ខណៈ៤៧នាក់ សះស្បើយ និងមាន២នាក់បន្ថែមបានស្លាប់ដោយសារជំងឺឆ្លងនេះ។ ក្នុងចំណោមអ្នកឆ្លងថ្មីទាំងនោះ មាន១៩នាក់នាំចូលពីប្រទេសថៃ។ អ្នកឆ្លងភាគច្រើនរស់នៅស្រុកជីក្រែង បន្ទាប់មកនៅក្រុងសៀមរាប ស្រុកសូទ្រនិគម ប្រាសាទបាគង ក្រឡាញ់ ពួក អង្គរជុំ និងស្រុកស្រីស្នំ។ អ្នកជំងឺ២នាក់ ជាអ្នកកំពង់ធំ។ 

 

ចំពោះករណីស្លាប់គឺជាប្រុសទាំង២នាក់ ដោយម្នាក់មានអាយុ៧៧ឆ្នាំ រស់នៅភូមិត្បែងលិច ឃុំត្បែង ស្រុកបន្ទាយស្រី។ ម្នាក់ទៀត វ័យ ២៩ឆ្នាំ រស់នៅភូមិជាំក្សាន្ត ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ គិតត្រឹមថ្ងៃទី១កក្កដា ខេត្តសៀមរាប មានអ្នកវិជ្ជមានកូវីដ-១៩ ចំនួន១ ២៦៩នាក់ ដោយ៤៨៣នាក់បានសះស្បើយចំនួន, ១៣នាក់ស្លាប់ និង៧៧៣នាក់ កំពុងសម្រាកព្យាបាល។

 

 

មនុស្ស ៦០នាក់ទៀត មានវិជ្ជមានកូវីដ-១៩ ខណៈ ១០៤នាក់បានជាសះស្បើយ។ ក្នុងចំណោមករណីវិជ្ជមានទាំង ៦០នាក់ ភាគច្រើនជាអ្នកស្រុក ស្រែអំបិល បន្ទាប់មកអ្នកស្រុក មណ្ឌលសីមា ក្រុងខេមរភូមិន្ទ និងស្រុកគិរីសាគរ។ 

 

 

ក្នុងចំណោមអ្នកវិជ្ជមានដែលទើបរកឃើញ ចំនួន៤៥នាក់នោះ មាននៅក្រុងព្រៃវែង ស្រុកស្វាយអន្ទរ ពាមរក៍ ពោធិ៍រៀង កំពង់ត្របែក បាភ្នំ ពាមជរ ព្រះសេ្តច កំចាយមារ កញ្ច្រៀច និង១នាក់មកពីខេត្តកណ្តាល។ ត្រឹមថ្ងៃទី១ កក្កដា ខេត្តព្រៃវែង រកឃើញអ្នកវិជ្ជមានកូវីដ-១៩ សរុប ១៦៥០នាក់ ក្នុងនោះ១០៨០នាក់បានជាសះស្បើយ ២៤នាក់ស្លាប់ និង៥៤៦នាក់ កំពុងបន្តការព្យាបាល។ 

 

 

៤៤ករណីបន្ថែមទៀត ត្រូវបានរកឃើញ ខណៈមានអ្នកជំងឺ ១១នាក់បានជាសះស្បើយ និងមានម្នាក់បន្ថែមទៀត បានស្លាប់។ ក្នុងចំណោមករណីថ្មីនោះ មាន១៣នាក់នាំចូលពីប្រទេសថៃ។ អ្នកវិជ្ជមានទាំងនោះ ជាអ្នករស់នៅក្រុងបាត់ដំបង ស្រុកកំរៀង បវេល ថ្មគោល មោងឫស្សី សង្កែ បាណន់ សំឡូត និងស្រុកសំពៅលូន។ ក្រៅពីនេះ មានអ្នកជំងឺមួយចំនួន មានអាសយដ្ឋាននៅបន្ទាយមានជ័យ កំពង់ឆ្នាំង ប៉ៃលិន ព្រៃវែង កំពង់ធំ រតនគិរី និងខេត្តតាកែវ។ ចំពោះករណីស្លាប់ គឺជាបុរសវ័យ ៦១ឆ្នាំ រស់នៅភូមិឈើទាល ឃុំឈើទាល ស្រុកបាណន់។ បច្ចុប្បន្ន ខេត្តបាត់ដំបង មានករណីវិជ្ជមានកូវីដ-១៩ សរុប ៩៩០នាក់ ក្នុងនោះ៥៨០នាក់ បានជាសះស្បើយ ៧នាក់បានស្លាប់ និង៤០៣នាក់ទៀត កំពុងសម្រាកព្យាបាល។

 

 

ក្នុងចំណោមករណីឆ្លងថ្មីទាំង ២៦នាក់នោះ មាន៧ករណីនាំចូលពីប្រទេសថៃ និងមានអ្នកជំងឺម្នាក់បានជាសះស្បើយផងដែរ។ អ្នកឆ្លងកូវីដ-១៩ ទាំងនោះជាពលរដ្ឋរស់នៅក្រុងស្ទឹងសែន ស្រុកស្ទោង សន្ទុក កំពង់ស្វាយ បារាយណ៍ តាំងគោក និងស្រុកសណ្តាន់។ បច្ចុប្បន្នខេត្តកំពង់ធំ មានអ្នកឆ្លងកូវីដ-១៩ សរុប ៩៤៩នាក់ ក្នុងនោះ៤៣៥នាក់បានជាសះស្បើយ ១០នាក់ស្លាប់ និងអ្នកជំងឺ៥០៤នាក់ទៀត កំពុងសម្រាកព្យាបាល។

 

 

ពលរដ្ឋឃុំស្រែខ្ទុម ស្រុកកែវសីមា ១៤នាក់មានវិជ្ជមានកូវីដ-១៩ ក្នុងចំណោមករណីសរុប ១៧នាក់ ដែលរកឃើញនៅខេត្តមណ្ឌលគិរី។ ក្រៅពីនេះ មានម្នាក់ជាអ្នករស់នៅក្រុងសែនមនោរម្យ, ១នាក់នៅខេត្តក្រចេះ និងម្នាក់ទៀតជាអ្នកខេត្តកំពង់ធំ។

 

 

កុមារ ៤នាក់ ស្ថិតក្នុងចំណោមអ្នកវិជ្ជមានកូវីដ-១៩ ចំនួន ១១នាក់ ដែលត្រូវបានរកឃើញ។ អ្នកឆ្លងភាគច្រើនរស់នៅសង្កាត់អូរឫស្សី និងក្រុងក្រចេះ ខេត្តក្រចេះ។ ក្រៅពីនេះ ជាអ្នកស្រុកសំបូរ  ចិត្របូរី និងស្រុកព្រែកប្រសព្វ។ 

 

 

ក្នុងចំណោមករណីថ្មីទាំង ១០នាក់នោះ ជាអ្នករស់នៅឃុំស្រអែម ស្រុកជាំក្សាន្ត ដោយមាន៧នាក់ជាកុមារ អាយុចន្លោះ ៣-១៥ឆ្នាំ។ គិតត្រឹមថ្ងៃទី១ ខែកក្កដា  ខេត្តព្រះវិហារ រកឃើញកូវីដ-១៩ ចំនួន១០៤នាក់ ដោយ៤៤នាក់បានជាសះស្បើយ និង៦០នាក់ទៀត កំពុងសម្រាកព្យាបាល។ 

 

 

ក្នុងចំណោមអ្នកឆ្លងថ្មីទាំង ៤នាក់នេះ គឺជាបុរសទាំងអស់ ដែលពួកគេបម្រុងធ្វើដំណើរចូលទៅទឹកដីខេត្តប៉ៃលិន។ អ្នកវិជ្ជមានម្នាក់ មានអាសយដ្ឋាននៅក្រុងប៉ៃលិន ខេត្តប៉ៃលិន, ២នាក់ជាពលរដ្ឋស្រុកបារាយណ៍ ខេត្តកំពង់ធំ និងម្នាក់ទៀតជាអ្នកស្រុកបាកាន ខេត្តពោធិ៍សាត់។