ក្នុងចំណោមអ្នកវិជ្ជមានកូវីដ-១៩ទាំង៨៨នាក់នោះ  គឺមានភាគច្រើនជាពលរដ្ឋដែលមានអាសយដ្ឋាននៅក្រុងសិរីសោភ័ណ ក្រុងប៉ោយប៉ែត។ អ្នកជាសះស្បើយថ្មីបន្ថែមមានចំនួន ៣៦៨នាក់។ 

 

សម្រាប់ថ្ងៃទី១៧កក្កដា ឆ្នាំ២០២១ នៅខេត្តកំពង់ចាម មានអ្នកជំងឺកូវីដ-១៩ម្នាក់អាយុ៤៨ឆ្នាំ បានស្លាប់ដោយសារជំងឺនេះ។ ចំណែកអ្នកវិជ្ជមានទាំង៥៣នាក់នោះ មានភាគច្រើនជាពលរដ្ឋរស់នៅក្រុងកំពង់ចាម ស្រុកចំការលើ, ស្រុកកំពង់សៀម,ស្រុកព្រៃឈរ, ស្រុកកងមាស,  ស្រុកស្ទឹងត្រង់, ស្រុកបាធាយ, ស្រុកកោះសូទិន, ស្រុកស្រីសន្ធរ និងស្រុកជើងព្រៃ។ ដោយឡែក មនុស្ស៣នាក់ទៀត ដែលវិជ្ជមានកូវីដ-១៩ដែរនោះ ជាអ្នកដំណើរមកពីខេត្តព្រៃវែង និងកណ្តាល។

 

រដ្ឋបាលខេត្តត្បូងឃ្មុំ បានបញ្ជាក់ថា ក្នុងចំណោមមនុស្ស២៨នាក់ វិជ្ជមានកូវីដ-១៩នោះ គឺជាពលរដ្ឋដែលរស់នៅក្រុងសួង ស្រុកត្បូងឃ្មុំ ស្រុកអូររាំងឪ ស្រុកតំបែរ ស្រុកក្រូចឆ្មារ ស្រុកមេមត់ និង ស្រុកពញាក្រែក។ទន្ទឹមនឹងរកឃើញករណីឆ្លងថ្មីនៃជំងឺកូវីដ-១៩នោះ រដ្ឋបាលខេត្តត្បូងឃ្មុំក៏ប្រកាសដំណឹងល្អលើមនុស្ស១០៩នាក់ទៀត ដែលជាសះស្បើយពីជំងឺនេះផងដែរ៕