ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
ប្រជាសហគមន៍ភ្នំឱរ៉ាល់ ប្រមូលលុយគ្នា ធ្វើស្ពានឈើសម្រួលការធ្វើដំណើរទេសចរ ក្នុងរដូវវស្សា
24, Jul 2021 ,
9:30 am
រូបភាព
ស្ពានឆ្លងកាត់ស្ទឹងសច្ចា៥ធាតុ នៅភ្នំឱរ៉ាល់ធ្វើបាន៥០ភាគរយ ដែលធ្វើដោយប្រជាជនក្នុងសហគមន៍ភ្នំឱរ៉ាល់។ រូបភាពពីហ្វេសប៊ុក លោក ឈឺន ឈីម មគ្គុទេសក៍ទេសចរនៅភ្នំឱរ៉ាល់។
×
ដោយ:
ពលរដ្ឋសហគមន៍ភ្នំឱរ៉ាល់បានប្រមូលលុយគ្នាជាង១លានរៀលដើម្បីសាងសងស្ពានឈើប្រវែង១៥ម៉ែត្រ ត្រង់ចំណុចស្ទឹងសច្ចា៥ធាតុដែលមានទឹកហូរខ្លាំងក្នុងរដូវវស្សា។ ស្ពានឈើនេះនឹងជួយសម្រួលការធ្វើដំណើររបស់ភ្ញៀវទេសចរឡើងភ្នំឱរ៉ាល់ និងងាយស្រួលឱ្យពលរដ្ឋធ្វើដំណើរទៅធ្វើស្រែចម្ការ។ ពលរដ្ឋសហគមន៍នៅភ្នំឱរ៉ាល់ បានរួមកម្លាំង និងប្រមូលថវិកាផ្ទាល់ខ្លួន ធ្វើស្ពានឈើឆ្លងកាត់ស្ទឹងសច្ចា៥ធាតុ ដើម្បីសម្រួលដល់ការធ្វើដំណើរឡើងភ្នំឱរ៉ាល់។ បច្ចុប្បន្នស្ពានឈើនេះ សម្រេចបានប្រហែល៧០ភាគរយ ហើយនឹងអាចចញ្ចប់ការសាងសង់ទាំងស្រុងក្នុងរយៈពេល៥ថ្ងៃទៀត។
លោក ឈឺន ឈីមមគ្គុទ្ទេសក៍ទេសចរភ្នំឱរ៉ាល់ បានប្រាប់សារព័ត៌មានThmeyThmey25 តាមទូរស័ព្ទថាទេសចរដែលឡើងភ្នំឱរ៉ាល់ក្នុងរដូវវស្សាត្រូវចំណាយពេលប្រហែលកន្លះថ្ងៃ ឆ្លងកាត់ទឹកហូរនៅស្ទឹងសច្ចា៥ធាតុ។លោកបន្ថែមថា ស្ពាននេះនឹងអាចសម្រួលឱ្យទេសចរធ្វើដំណើរឡើងភ្នំឱរ៉ាល់លឿនជាងមុន។
លោក ឈឺន ឈីម បញ្ជាក់យ៉ាងដូច្នេះថា៖ « ការធ្វើស្ពាននេះមានប្រយោជន៍ដល់ភ្ញៀវទេសចរ និងសហគមន៍ ដោយមិនមានបញ្ហារាំងស្ទះការធ្វើដំណើរដោយសារដាច់ផ្លូវ។ ប្រជាជនភាគច្រើនមានស្រែនៅត្រើយម្ខាងទៀត ហើយទេសចរគាត់ពិបាកធ្វើដំណើរព្រោះទឹកលិច »។ សូមជម្រាបដែរថា រយៈពេល៦ខែ ក្នុងឆ្នាំ២០២១ ភ្ញៀវទេសចរឡើងភ្នំឱរ៉ាល់ មានចំនួន ២,៧៥៣នាក់ ក្នុងនោះមានភ្ញៀវអន្តជាតិផ្ទៃក្នុង១១៥នាក់។ តួលេខនេះ ថយចុះប្រមាណ ៥០ភាគរយ បើធៀបនឹងរយៈពេលដូចគ្នា ក្នុងឆ្នាំ២០២០ ដែលមានទេសចររហូតដល់ ៥,៥០០នាក់៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
22 ម៉ោង
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
1 សប្តាហ៍
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ
3 ថ្ងៃ
តើពាក្យងារជា «សម្តេច» មានន័យដូចម្តេច?
5 ថ្ងៃ
រោងចក្រដំឡើងរថយន្តរបស់ក្រុមហ៊ុនជប៉ុនមួយទៀត បើកដំណើរការនៅកម្ពុជា
4 ថ្ងៃ
អត្ថបទពេញនិយមបន្ថែម