ដើមឡើយ សម្ភារៈសម្រាប់ផលិត «លបឡុក» ទាំងមូល ត្រូវបានផ្សំឡើងពីកូនឈើ និងឫស្សី។ ប៉ុន្តែ ប៉ុន្មានឆ្នាំចុងក្រោយនេះ សំណាញ់នីឡុង ដែលមានមូលដ្ឋានសំយោគពីប្លាស្ទិក មានតំលៃថោក បានចូលមកជំនួសឫស្សី។ មិនដូចឫស្សី សំណាញ់នីឡុង មិនរលាយពុកផុយ តាមពេលវេលាក្នុងធម្មជាតិឡើយ។ នៅពេលដែលសំណាញ់នីឡុងទាំងនោះ មិនត្រូវបានទុកដាក់ ឬបោះបង់ចោលឱ្យបានត្រឹមត្រូវ ពេលឈប់ប្រើប្រាស់ វានឹងក្លាយជាសំណាញ់-មងខ្មោច ដែលបន្តចាប់ និងសម្លាប់ត្រី ព្រមទាំងសត្វព្រៃដទៃទៀត អាសាបង់ឥតបានការ។ ដើម្បីស្វែងយល់បន្ថែមអំពី «លបឡុក» និងសំណាញ់-មងខ្មោច សូមចូលទៅទស្សនាវីដេអូនេះ https://youtu.be/5zTP5ReC1mM