១៤ខែ រដ្ឋ ចំណាយអស់ជាង៤១០លានដុល្លារ ដល់អ្នកខ្វះខាត

ជាតិ

សង្គមជាតិ

១៤ខែ រដ្ឋ ចំណាយអស់ជាង៤១០លានដុល្លារ ដល់អ្នកខ្វះខាត

25, Aug 2021 , 6:59 pm

រូបភាព

ទិដ្ឋភាពផ្ទះប្រជាជនកម្ពុជានៅតាមជនបទ។ រូបថត AFP

ដោយ: សារព័ត៌មានថ្មីៗ

រយៈពេល១៤ខែ ដោយគិតចាប់តាំងពីចុងខែមិថុនា ឆ្នាំ២០២០ មកដល់ចុងខែសីហា ឆ្នាំ២០២១នេះ រដ្ឋាភិបាលកម្ពុជា បានចំណាយថវិកាជាង៤១០លានដុល្លារហើយ លើការឧបត្ថម្ភដល់គ្រួសារក្រីក្រ និងជនងាយរងគ្រោះ ក្នុងអំឡុងវិបត្តិជំងឺកូវីដ-១៩។ នេះបើតាមសេចក្តីជូនដំណឹងរបស់ក្រសួងសង្គមកិច្ច អតីតយុទ្ធជន និង យុវសម្បទា។

រដ្ឋាភិបាល បានចាប់ផ្តើមអនុវត្តកម្មវិធីឧបត្ថម្ភសាច់ប្រាក់ដល់គ្រួសារក្រីក្រ និងជនងាយរងគ្រោះ ចាប់តាំងពីចុងខែមិថុនា ឆ្នាំ២០២០មក។ មកដល់ចុងខែសីហា ឆ្នាំ២០២១ ការឧបត្ថម្ភសាច់ប្រាក់ដល់គ្រួសារក្រីក្រ និងជនងាយរងគ្រោះ គឺធ្វើឡើងបាន១៤លើករួចមកហើយ។

រដ្ឋាភិបាល ដាក់ចេញនូវពាក្យស្លោកថា មិនទុកប្រជាជនណាម្នាក់ចោល ដោយមិនមានការយកចិត្តទុកពីរដ្ឋឡើយ៕