ងាកទៅមើលហេដ្ឋារចនាសម្ព័ន្ធវិញ ក្រោយត្រូវបង្ខំឱ្យចាកចេញ ក្រុមហ៊ុន ស៊ូជីង ទើបនឹងសាងសង់ខ្លោងទ្វារចូលដ៏ធំមួយ និងពង្រីកផ្ទៃដីផែបន្ថែម ក៏ដូចជាសង់តូបជួល និងផ្សារនៅផ្នែកខាងក្រោម ដែលសំណង់ខ្លះនៅមិនទាន់សង់រួចរាល់នៅឡើយ។ អាគារកម្ពស់៣ជាន់ និងក្បែរនោះ បានដាក់ស្លាកយានដ្ឋានជួសជុលយានយន្តគ្រប់ប្រភេទ ក៏លែងមានបុគ្គលិកធ្វើការទៀតដែរ។ បច្ចុប្បន្ននេះ មានតែកម្លាំងអាជ្ញាធរដែលកំពុងឈរជើងយាមកាម និងការហ៊ុមខ្សែព័ទ្ធជុំវិញប៉ុណ្ណោះ។ យ៉ាងណា ចរាចរណ៍នៅតែអនុញ្ញាតឱ្យចេញចូលជាធម្មតាក្នុងបរិវេណផែដ៏ធំមួយនេះ។

 

សូមបញ្ជាក់ថា តាមរយៈសេចក្ដីសម្រេចរបស់រាជរដ្ឋាភិបាលចុះថ្ងៃទី២៩ ខែកក្កដា បានសម្រេចលុបចោលគម្រោងអភិវឌ្ឍន៍កំពង់ផែទេសចរណ៍ស៊ូជីងទាំងស្រុង ដោយប្រគល់ឱ្យរដ្ឋបាលខេត្តសៀមរាប និងគ្រឹះស្ថានអង្គរ គ្រប់គ្រងជាបណ្ដោះអាសន្ន៕