បើតាមសេចក្ដីជូនដំណឹងរបស់ក្រសួងទេសចរណ៍ អាហារូបករណ៍ដែលអង្គការទេសចរណ៍ពិភពលោកផ្ដល់ឱ្យមានជំនាញយុទ្ធសាស្ត្រធុរកិច្ច គណនេយ្យហិរញ្ញវត្ថុ មូលដ្ឋានគ្រឹះនៃម៉ាឃឹតធីងឌីជីថល មូលដ្ឋានគ្រឹះនៃការគ្រប់គ្រងប្រតិបត្តិករ និងមូលដ្ឋានគ្រឹះនៃនវានុវត្តន៍ និងការផ្លាស់ប្ដូរឌីជីថល។

 

អាហាររូបករណ៍ ៥០កន្លែងនេះ នឹងត្រូវផ្ដល់ឱ្យមន្ត្រីទេសចរណ៍ ២០កន្លែង ផ្នែកឯកជន ២០កន្លែង និងសិស្ស និស្សិត១០កន្លែង។ បេក្ខជន ដែលចង់ដាក់ពាក្យប្រឡង ត្រូវជាបុគ្គលិកមន្ត្រីរាជការ ឬមន្ត្រីជាប់កិច្ចសន្យា និស្សិតកំពុងសិក្សាជំនាញទេសចរណ៍ ឬបុគ្គលិកកំពុងបម្រើការក្នុងវិស័យទេសចរណ៍ឯកជន។ បេក្ខជន អាចទំនាក់ទំនងទៅនាយកដ្ឋានធនធានមនុស្ស នៃក្រសួងទេសចរណ៍ រហូតដល់ថ្ងៃទី ៣១តុលា ៕