កីឡាអន្តរជាតិ
រថយន្ត
អន្តរជាតិ
Ronaldo ,Aubameyang និង Benzema កីឡាករបាល់ទាត់សម្ញែងរថយន្តខ្លាំងជាងគេឆ្នាំ២០២១
× ជាមួយនឹងទ្រព្យសម្បត្តិហូរហៀរ កីឡាករបាល់ទាត់ Cristiano Ronaldo, Pierre-Emerick Aubameyang និង Karim Benzema បានសម្ញែងរថយន្តទំនើរបស់ខ្លួនខ្លាំងជាងគេ ក្នុងចំណោមកីឡាករដទៃទៀតនៅឆ្នាំ២០២១។
Ronaldo ដែលទើបវិលចូលក្រុម Manchester United ដើមរដូវកាលនេះ រួមជាមួយ Aubameyang របស់ Arsenal និង Benzema ខ្សែប្រយុទ្ធ Real Madrid សុទ្ធតែជាកីឡាករបាល់ទាត់ដែលទទួលបានប្រាក់ឈ្នួលប្រចាំសប្តាហ៍ខ្ពស់។
មិនត្រឹមតែមានថ្លៃពលកម្មច្រើននោះទេ តារាបាល់ទាត់ដែលមានកេរ្តិ៍ឈ្មោះល្បីល្បាញទាំង៣រូបនេះក៏មានកិច្ចសន្យាពាណិជ្ជកម្មជាមួយក្រុមហ៊ុនល្បីៗដោយទទួលបានប្រាក់បន្ថែមទៀតផងដែរ។
ដោយមានទ្រព្យស្តុកស្តម្ភ កីឡាករទាំង៣រូបចូលចិត្តចាយលុយរបស់ពួកគេលើរថយន្ត និងសមភារៈថ្លៃៗរៀងៗខ្លួន។ Ronaldo ប្រធានក្រុមជម្រើសជាតិព័រទុយហ្កាល់បានបង្ហាញរថយន្តប្រណិតរបស់ខ្លួនម៉ាក Bugatti Chiron ដែលមានតម្លៃ ៣,៤២លានដុល្លារអាមេរិក។
Aubameyang ខ្សែប្រយុទ្ធសញ្ជាតិហ្កាបុង ក៏បានបញ្ចេញរថយន្តរបស់គេម៉ាក LaFerrari ដែលមានតម្លៃ ២,៧៤លានដុល្លារផងដែរ។
មិនខុសពី Ronaldo ដែលជាអតីតមិត្តរួមក្រុមខ្លួន Benzema សមាជិកក្រុមជម្រើសជាតិបារាំង បានសម្ញែងរថយន្តរបស់ខ្លួនម៉ាក Bugattis តម្លៃជិត៤លានដុល្លារដែរនៅឆ្នាំ២០២១នេះ។
ទាំងនេះជារថយន្តមួយក្នុងចំណោមរថយន្តថ្លៃៗជាច្រើនទៀតដែលពួកគេមានសព្វថ្ងៃនេះ។
១- រថយន្តម៉ាក Bugatti Chiron ដែលមានតម្លៃ ៣,៤២លានដុល្លារអាមេរិករបស់ Ronaldo។
២- រថយន្តម៉ាក LaFerrari តម្លៃ ២,៧៤លានដុល្លាររបស់ Aubameyang។
៣- រថយន្តម៉ាក Bugattis តម្លៃជិត៤លានដុល្លាររបស់ Benzema។
Tag:
Cristiano Ronaldo
Car
© រក្សាសិទ្ធិដោយ thmeythmey.com