ក្រសួងការងារលើកទឹកចិត្តឲ្យម្ចាស់រោងចក្រ ត្រៀមឧបករណ៍ធ្វើតេស្តរហ៍សម្រាប់ពិនិត្យរកកូវីដ-១៩ ដល់កម្មករនិយោជិតរបស់ខ្លួន ក្រោយភ្ជុំបិណ្ឌរួច។ ការធ្វើតេស្តរហ័សនេះ គឺផ្អែកតាមគោលការណ៍ស្ម័គ្រចិត្ត និងមិនមានការផាកពិន័យម្ចាស់រោងចក្រនិងកម្មករឡើយ។ 

 

ជាមួយគ្នាដែរ ក្រសួងអំពាវនាវឲ្យកម្មករដែលឈប់សម្រាកអំឡុងពេលភ្ជុំបិណ្ឌនេះ ត្រូវអនុវត្តឲ្យបានខ្ជាប់ខ្ជួននូវវិធានការ «៣ការពារ និង៣កុំ។ លើសពីនេះ​ គឺពាក់ម៉ាស់ លាងដៃឲ្យញឹកញាប់ រួមរក្សាគម្លាងនៅពេលធ្វើតាមរថយន្តផងដែរ។ 

 

នៅអំឡុងពេលភ្ជុំបិណ្ឌនេះ ក្រសួងការងារ បានចេញសេចក្តីជូនដំណឹងស្តីពីការឈប់សម្រាក៣ថ្ងៃ សម្រាប់កម្មករនិយោជិត នាពិធីបុណ្យភ្ជុំបិណ្ឌ។ ពួកគេទាំងនោះ ឈប់សម្រាកដោយទទួលបានប្រាក់ឈ្នួល ចាប់ពីថ្ងៃទី៥ ដល់ថ្ងៃទី៧ ខែតុលា។