កីឡាករខ្សែការពារស្លាបឆ្វេង Ben Chilwell បានភ្លាត់ឱកាសជាប់ជម្រើសជាតិ ក្រោមក្រសែភ្នែក នៃការដឹកនាំរបស់លោក Gareth Southgate ដោយលោក Southgate បានរើសយកកីឡាករមិត្តរួមក្រុមរបស់គេ គឺ Reece James ដើម្បីធ្វើជាកីឡាករ ខ្សែការពារស្លាបដោយអម ជាមួយកីឡាករ Luke Shaw Kieran Trippier និង Kyle Walker។ មកដល់ពេលនេះ Ben Chilwell ត្រូវបានក្រុមតោកំណាច កោះហៅជាថ្មីម្តងទៀត។
 

ចំណែកអតីតខ្សែប្រយុទ្ធរបស់ក្រុមតោខៀវ Chelsea គឺ Tammy Abraham ដែលធ្លាប់បានបង្ហាញខ្លួន ឲ្យក្រុមជម្រើសជាតិ ៦លើ កកាលលេងនៅប្រទេសអង់គ្លេស ក៏ត្រូវបានកោះហៅ ឲ្យចូលរួមក្រុមជម្រើសជាតិសារជាថ្មីដែរ ក្រោយបង្ហាញខ្លួនបានយ៉ាងល្អ នាបច្ចប្បន្នដែលលេងឲ្យក្លិប AS Roma។
 

Abraham រកបាន៤គ្រាប់ឲ្យ Roma ក្នុងការបង្ហាញខ្លួន១០ប្រកួត ក្រោមការដឹកនាំពីសំណាក់ លោក Jose Mourinho ដែលបានទិញរូបគេ ទៅក្នុងតម្លែ ៤០លានអឺរ៉ូ។
 

មកដល់ពេលនេះ ក្រុមតោកំណាចអង់គ្លេស កំពុងឈរលើកំពូលតារាង នៃវគ្គជម្រុះក្នុងតំបន់ ដោយមាន១៦ពិន្ទុ ក្នុងចំណោម៦ប្រកួត ហើយអង់គ្លេស នឹងត្រូវជួបតទល់ជាមួយអង់ដូរាស់ នាថ្ងៃទី៨ មុនការប្រកួតទល់នឹងក្រុមហុងគ្រី នៅកីឡដ្ឋាន Wembley នាថ្ងៃទី ១១ខែតុលា៕