កីឡាអន្តរជាតិ
អន្តរជាតិ
Newcastle ក្លាយជាក្លិបមានជាងគេលើលោក ក្រោយលក់ឱ្យរជ្ជទាយាទអារ៉ាប៊ីសាអូឌីត
× ក្លិប Newcastle United មានម្ចាស់ថ្មីគ្រប់គ្រងហើយក្នុងកិច្ចព្រមព្រៀងលក់ក្នុងតម្លៃ ៣០៥ លានផោន (៤១៥លានដុល្លារអាមេរិក)។ មានម្ចាស់ថ្មីដែលគាំទ្រដោយរជ្ជទាយាទ អារ៉ាប៊ីសាអូឌីត Mohammed Bin Salman សារិកាព្រៃក្លាយជាក្លិបមានជាងគេបំផុតលើលោក ជំនួស Manchester City វិញ។
លោក Mike Ashley បានបញ្ចប់ភាពជាម្ចាស់ក្លិប Newcastle ក្នុងរយៈពេល១៤ឆ្នាំ បន្ទាប់ពីយល់ព្រមលក់ក្លិបនេះ ទៅឱ្យមូលនិធិរដ្ឋអារ៉ាប៊ីសាអូឌីត (PIF) ដែលគ្រប់គ្រងដោយព្រះអង្គម្ចាស់ Salman។
តាមរយៈការផ្សាយរបស់កាសែត BBC នៅថ្ងៃទី៧ ខែតុលា PIF បានផ្តល់ប្រាក់៤១៥លានដុល្លារដើម្បីកាន់កាប់ភាគហ៊ុន៨០ភាគរយរបស់ Newcastle ចាប់ពីឆ្នាំ២០២១នេះតទៅ។ ដោយសារ PIF មានទ្រព្យរហូតដល់៣៤០ពាន់លានដុល្លារ បានធ្វើឱ្យក្លិបរហស្សនាមសារិកាព្រៃក្លាយជាក្លិបមានម្ចាស់មានជាងគេនៅលីគកំពូលអង់គ្លេស និងលើលោក ដោយលើសម្ចាស់ក្លិប Man City លោក Sheikh Mansour ដល់ទៅជាង១០ដង។
យ៉ាងណាក៏ដោយ ដោយសាររជ្ជទាយាទអារ៉ាប៊ីសាអូឌីត Salman មានជាប់ក្តីក្តាំសម្លាប់អ្នកសារព័ត៌មាន Jamal Khashoggi ក្នុងកុងស៊ុលអារ៉ាប៊ីសាអូឌីត នាទីក្រុងអ៊ីស្តង់ប៊ុល ប្រទេសតួកគី និងការឃុំខ្លួនសកម្មជនសិទ្ធិស្ត្រីមួយចំនួនផង ដូច្នេះក្របខណ្ឌ Premier League បានធានាថាអង្គម្ចាស់រូបនេះនឹងមិនចូលរួមក្នុងការគ្រប់គ្រងក្លិបឡើយ។
មិនអាចលុកដៃក្នុងក្លិបរបស់ Salman មានន័យថា Newcastle ក៏ពិបាកនឹងជះលុយទិញកីឡាករថ្លៃៗទៅជួយក្រុម ដូចអ្វីដែល Man City ធ្លាប់អនុវត្តន៍កន្លងមកផងដែរ។
Newcastle បច្ចុប្បន្នស្ថិតនៅតំបន់ត្រូវកាត់ចោលក្នុងតារាងលីកគំពូលអង់គ្លេស ន្ទាប់ពីរកបានតែ៣ពិន្ទុប៉ុណ្ណោះពីការប្រកួត៧លើករដូវកាល ២០២១-២២នេះ៕
Tag:
Newcastle United
Mohammed Bin Salman
© រក្សាសិទ្ធិដោយ thmeythmey.com