ខ្សែប្រយុទ្ធសញ្ជាតិអង់គ្លេស Rashford ទទួលបានការកោតសរសើរយ៉ាងខ្លាំង បន្ទាប់ពីបានជោគជ័យក្នុងកិច្ចការងារយុទ្ធនាការដើម្បីផ្តល់ប័ណ្ណអាហារដល់សាលានាៗ ក្នុងពេលសម្រាកនារដូវក្តៅរបស់រូបគេ ក្នុងប្រទេសអង់គ្លេសផ្ទាល់។ Rashford ក៏បានក្លាយជាបុគ្គលទី៣ ដែលទទួលបានសញ្ញាប័ត្រដ៏ល្អ និងមានកិត្តិយសមួយនេះ បន្ទាប់ពីលោក Alex Ferguson និងលោក Bobby Charlton។
 

«ខ្ញុំពិតជាមានមោទនភាពសម្រាប់បង្ហាញទៅកាន់អ្នកគ្រប់គ្នា ជាពិសេសដល់លោកតា Sir Alex នៅអ្វីដែលខ្ញុំទទួលបាននៅថ្ងៃនេះ ហើយអ្នកទាំងអស់គ្នាដើរតួរយ៉ាងសំខាន់ក្នុងការជំរុញរូបខ្ញុំឲ្យបានមកឈរនៅចំពោះមុខអ្នកទាំងអស់គ្នាក្នុងពេលនេះ»។ Rashford បាននិយាយបែបនេះក្នុងកម្មវិធីរបស់គេក្នុងកីឡដ្ឋាន Old Trafford ។
 

«ខ្ញុំនៅទីនេះដើម្បីទទួលបានសញ្ញាបត្របណ្ឌិតកិត្តិយសរបស់ខ្ញុំសម្រាប់ការងាររបស់ខ្ញុំជុំវិញភាពការប្រឆាំងភាពក្រីក្ររបស់កុមារ។ ពីម្សិលមិញគ្រួសាររាប់លានទូទាំងចក្រភពអង់គ្លេសបានបាត់បង់នូវខ្សែជីវិតនិងមធ្យោបាយនៃការរស់នៅឆ្ងាយពីគ្នា។» នេះជាការស្រងសម្តីរបស់ Rashford ដែលបាននិយាយសំដៅលើរដ្ឋាភិបាលអង់គ្លេស បានបញ្ចប់ការដំឡើងប្រាក់ជំនួយ២០ផោន (ជិត៣០លានដុល្លារ)រៀងរាល់សប្តាហ៍ ដែលជាប្រាក់គាំទ្រទៅកាន់គ្រួសារក្រីក្រក្នុងប្រទេសអង់គ្លេស។
 

មកដល់ពេលនេះ Rashford បានជួយបង្កើននិងរកប្រាក់ជំនួយបានជាង ២០លានផោន (ជិត៣០លានដុល្លារ) ពីកម្មវិធីសប្បុរសធម៍ Fareshare UK សម្រាប់ផ្គត់ផ្គង់អាហារដល់គ្រួសារ ដែលជួបការលំបាកក្នុងអំឡុងពេល រាតត្បាតកូវីដ-១៩ ៕