សៀមរាប៖ ស្របពេលមានការសាទរ ការបើកទេសចរណ៍ឡើងវិញនៅខេត្តសៀមរាប  ប្រតិបត្តិករទេសចរណ៍ ក៏មានការខិតខំប្រឹងប្រែង និងភាពលំបាកក្នុងកាលៈទេសៈនេះ។

ប្រតិបត្តិករមួយភាគធំ មិនទាន់មានដើមទុន និងធនធានគ្រប់គ្រាន់ ដើម្បីបើកអាជីវកម្មឡើងវិញទេ។ លោក កៅ ហ្វីលីព ​ប្រធានក្លិបប្រតិបត្តិករទេសចរណ៍ខេត្តសៀមរាប បានបញ្ជាក់ក្នុងបទសម្ភាសជាមួយសារព័ត៌មានថ្មីៗ ក្រោយកិច្ចប្រជុំរៀបចំផ្សព្វផ្សាយ ស្ដីពីការទទួលទេសចរអន្ដរជាតិ និងអ្នកដំណើរដែលបានចាក់វ៉ាក់សាំងពេញលេញចូលក្នុងព្រះរាជាណាចក្រកម្ពុជា នាថ្ងៃទី១៧ វិច្ឆិកា ​ថា ម្ចាស់អាជីវកម្មភាគច្រើន ត្រូវការកម្ចីហិរញ្ញវត្ថុពីរាជរដ្ឋាភិបាល ដើម្បីស្រោចស្រង់អាជីវកម្ម​ពួកគេឡើងវិញ។