គេសង្កេតឃើញថា មានអាជីវកម្មភាគតិចប៉ុណ្ណោះដែលបើកទ្វារសម្រាប់ភ្ញៀវដែលចូលចិត្តកម្សាន្តនាពេលរាត្រីនេះ ខណៈភោជនីយដ្ឋាន និងកន្លែងកម្សាន្តខ្លះ បន្តបិទទ្វារដដែល។ ងាកទៅក្រុមកម្មករធ្វើផ្លូវវិញ កំពុងសម្រុកធ្វើមិនថាយប់ឬថ្ងៃ ដើម្បីឱ្យរួចរាល់ទាំងស្រុងមុនដំណាច់ឆ្នាំនេះ។ 

 

បុគ្គលិកនៅហាងកម្សាន្តមួយរូបប្រាប់ថា ភ្ញៀវមួយចំនួន បានចូលមកកម្សាន្តវិញជាធម្មតា និងមានចំនួនច្រើនគួរសម ទាំងភ្ញៀវខ្មែរ និងបរទេស។ បុគ្គលិកដដែលបញ្ជាក់ថា នៅរៀងរាល់ចុងសប្ដាហ៍ កន្លែងរបស់ពួកគេ ត្រូវបានភ្ញៀវកក់ពេញៗ ដែលចូលកម្សាន្តពីម៉ោង៧ ដល់ទៀបភ្លឺឯណោះ។