អំពីក្រុមហ៊ុន VATTANAC BREWERY
 

ម្ចាស់ភាគហ៊ុននៃ ក្រុមហ៊ុន VATTANAC BREWERY បានស្គាស់ច្បាស់អំពីវិស័យស្រាបៀនៅប្រទេសកម្ពុជា តាមរយៈបទពិសោធន៍នៃការធ្វើអាជីវកម្មស្រាបៀជាង ៣០ឆ្នាំ ដោយចាប់ផ្តើមដំបូងឡើងពីការនាំចូលស្រាបៀ TIGER មកលក់នៅទីផ្សារប្រទេសកម្ពុជា តាំងពីមិនទាន់មានអ្នកស្គាល់ស្រាបៀ TIGER រហូតទទួលបាននូវចំណែកទីផ្សារយ៉ាងធំធេង និងសម្រេចឈានដល់ការបណ្តាក់ទុនរួមគ្នាជាមួយក្រុហ៊ុន TIGER ក្នុងការបង្កើតរោងចក្រផលិតស្រាបៀ TIGER នៅក្នុងប្រទេសកម្ពុជានាពេលកន្លងមក។ បទពិសោធន៍ជោគជ័យទាំងនេះ បានជំរុញឲ្យម្ចាស់ភាគហ៊ុនមានភាពជឿជាក់ និងសម្រេចបោះទុនវិនិយោគសាងសង់ រោងចក្រ VATTANAC BREWERY ដើម្បីផលិត និងចែកចាយស្រាបៀ ដោយខ្លួនឯងផ្ទាល់តែម្តង ដែលបច្ចុប្បន្នមាន ស្រាបៀ VATTANAC និង ស្រាបៀ គ្រុឌ ហើយនាពេលខាងមុខនឹងមានផលិតផលភេសជ្ជៈផ្សេងៗជាច្រើនបន្តបន្ទាប់ផងដែរ។

 

ដោយបានយល់ច្បាស់អំពីតម្រូវការរបស់អតិថិជន ដែលកាន់តែមានភាពវ័យឆ្លាត និងគិតគូជាចម្បងអំពីសុខភាព និងគុណភាព ក្នុងការជាវទំនិញ និងសេវាកម្ម ដោយមិនផ្តោតសំខាន់លើតម្លៃតែមួយមុខនោះ ម្ចាស់ភាគហ៊ុនរបស់ក្រុមហ៊ុន VATTANAC BREWERY បានខិតខំពង្រឹងនូវចំណុចខ្លាំងរបស់ខ្លួនក្នុងការផលិត និងចែកចាយដោយឈរលើគោលការណ៍ “គុណភាព សេវាកម្មល្អឯក និងសុខភាព” បូករួមនឹងសម្ភារៈ និងបច្ចេកទេសផលិតដ៏ទំនើបពិសេស។

 

ផលិតផលស្រាបៀរបស់ VATTANAC BREWERY ធានាបាននូវរសជាតិឈ្ងុយឆ្ងាញ់ និងមានគុណភាពខ្ពស់ ដោយពិសាហើយភ្ញាក់មក គឺមិនឈឺក្បាល មិនស្កាតអណ្តាត មិនស្ងួតបំពង់ក និងមិនស្ងួតបបូរមាត់ ជាដើម។ ម្យ៉ាងទៀត VATTANAC BREWERY ជារោងចក្រស្រាបៀដំបូងគេបង្អស់នៅប្រទេសកម្ពុជា ដែលផលិតស្រាបៀដោយប្រើអង្ករស្រូវសាលីសុទ្ធ ១០០% និងត្រូវបានសម្រិតសម្រាំងយ៉ាងយកចិត្តទុកដាក់បំផុតមុននឹងយកមកផលិត។
 

ទាំងនេះ សុទ្ធសឹងជាការគិតគូយ៉ាងល្អិតល្អន់ និងយកចិត្តទុកដាក់បំផុត ប្រកបកដោយការទទួលខុសត្រូវខ្ពស់មួយ របស់ម្ចាស់ភាគហ៊ុន សំដៅធានាថា រាល់ការចំណាយ និងការគាំទ្រទាំងឡាយរបស់អតិថិជន ពិតជាទទួលបានត្រលប់មកវិញនូវតម្លៃតមស្នងមួយជាទីគាប់ចិត្តបំផុត៕

 

(អត្ថបទពាណិជ្ជកម្ម)