មូលនិធិសប្បុរសធម៌របស់សម្ព័ន្ធក្រុមហ៊ុន ព្រីនស៍ គ្រុប(Prince Holding Group)បានចេញផ្សាយរបាយការណ៍វាយតម្លៃប្រចាំឆ្នាំរបស់ខ្លួន លើសកម្មភាព ក៏ដូចជាសមិទ្ធផលនៃការវិនិយោគ ដែលមានតម្លៃជាង ៤,៥លានដុល្លារ លើវិស័យអប់រំ ការថែទាំសុខភាព និងកម្មវិធីគំនិតផ្តួចផ្តើមសហគមន៍។
រាជធានីភ្នំពេញ ថ្ងៃទី ២៣ ខែមីនា ឆ្នាំ២០២២៖ មូលនិធិព្រីនស៍ (
Prince Foundation) ដែលជាមូលនិធិសប្បុរសធម៌ របស់សម្ព័ន្ធក្រុមហ៊ុនព្រីនស៍គ្រុប(ហៅកាត់ថា «ព្រីនស៍ គ្រុប») ជាពហុក្រុមហ៊ុនមួយ ក្នុងចំណោមពហុក្រុមហ៊ុនដែលធំជាងគេ និងរីកចម្រើនបំផុត នៅក្នុងប្រទេសកម្ពុជា បានចេញផ្សាយរបាយការណ៍ប្រចាំឆ្នាំ២០២១ របស់ខ្លួននៅថ្ងៃនេះ។ របាយការណ៍នេះ បានបង្ហាញពី គំនិតផ្តួចផ្តើមពេញមួយឆ្នាំរបស់មូលនិធិ ដែលមានលក្ខណៈរួមបញ្ចូល និងបានធ្វើសមាហរណកម្ម ខិតទៅជិតគោលដៅអភិវឌ្ឍន៍ជាតិរបស់កម្ពុជា។ ទឹកប្រាក់ជាង ៤,៥ លានដុល្លារ ត្រូវបានបែងចែកជាចម្បង លើការថែទាំសុខភាព រីឯមូលនិធិដែលនៅសល់ត្រូវបាន ដាក់បញ្ចូលទៅក្នុងគំនិតផ្តួចផ្តើមក្នុងវិស័យអប់រំ
និងការចូលរួមរបស់សហគមន៍ ដោយប្រកាន់ខ្ជាប់ការយកចិត្តទុកដាក់លើវិស័យបី។ មិនតែប៉ុណ្ណោះ មូលនិធិព្រីនស៍ ក៏បានបរិច្ចាគ
ទឹកប្រាក់ ៣ លានដុល្លារ ក្នុងចូលរួមចំណែកប្រយុទ្ធប្រឆាំង នឹងជំងឺរាតត្បាតក្នុងប្រទេសឡាវ ដើម្បីជួយឲ្យប្រទេសនេះ ទទួលបានវ៉ាក់សាំងចំនួនមួយលានដូស។
លោក
ចេន ហ្ស៊ី ប្រធានក្រុមប្រឹក្សាភិបាល ក្រុមហ៊ុន ព្រីនស៍ ហូលឌីង គ្រុប បានមានប្រសាសន៍ថា៖ «ដោយសារយើង ធ្លាប់បានទទួលនូវភាពជោគជ័យ ពីការអនុវត្តវិធីសាស្រ្តយុទ្ធសាស្ត្រនៃការវិនិយោគ លើវិស័យអភិវឌ្ឍន៍អចលនទ្រព្យ សេវាកម្មហិរញ្ញវត្ថុ និងសេវាកម្មអតិថិជន ខ្ញុំជឿជាក់ថា វិធីសាស្រ្តស្រដៀងគ្នានេះរបស់មូលនិធិ នឹងផ្តល់ផលល្អជាច្រើនបន្ថែមទៀត សម្រាប់ប្រទេសកម្ពុជា»។
របាយការណ៍ប្រចាំឆ្នាំនេះ បានគូសបញ្ជាក់ ពីកិច្ចខិតខំប្រឹងប្រែងរបស់មូលនិធិ ឆ្ពោះទៅរកការអនុវត្តយុទ្ធសាស្ត្រ និងការវិនិយោគតម្រង់ទិសថ្មីរបស់ខ្លួនឡើងវិញ នៅឆ្នាំ ២០២១ ដោយបានបញ្ចូលនូវសេចក្តីថ្លែងការណ៍បេសកកម្មថ្មីមួយ គឺ «រួមគ្នាកសាងអនាគតកាន់តែប្រសើរសម្រាប់កម្ពុជា»។
ក្នុងចំណោមអង្គការមិនមែនរដ្ឋាភិបាលសំខាន់ៗ ដែលមូលនិធិព្រីនស៍បានសហការ និងធ្វើការជាមួយ ដូចបានបង្ហាញក្នុងរបាយការណ៍ រួមមានកាកបាទក្រហមកម្ពុជា អង្គការ Caring for Cambodia ដែលជាអង្គការសប្បុរសធម៌ផ្តោតលើវិស័យអប់រំ និងអង្គការម្លប់តាប៉ាង (M’Lop Tapang) ដែលជាអង្គការក្រៅរដ្ឋាភិបាល ដែលមានមូលដ្ឋាននៅខេត្តព្រះសីហនុ ដែលធ្វើការជាមួយកុមារប្រឈមនឹងហានិភ័យ។ ការប្តេជ្ញាមួយទៀត របស់មូលនិធិព្រីនស៍ ក្នុងការផ្លាស់ប្តូរការអប់រំវិជ្ជាជីវៈនៅកម្ពុជា ក៏មានភាពល្បីល្បាញនៅក្នុងប្រទេសកម្ពុជាដែរ តាមរយៈការគាំទ្រពីមជ្ឈមណ្ឌលបណ្តុះបណ្តាលវិជ្ជាជីវៈនាឡិកាព្រីនស៍ (Prince Horology) ដែលជាសាលាបង្រៀនធ្វើនាឡិកាស្តង់ដារប្រទេសស្វីស ដែលត្រូវបានបង្កើតឡើងក្នុងរយៈពេលខ្លី មុនពេលចាប់ផ្តើមនៃជំងឺរាតត្បាត។ មូលនិធិ ត្រូវបានផ្តោតជាសំខាន់លើការបង្កើតផលវិជ្ជមានរយៈពេលវែង តាមរយៈគម្រោងផ្សេងៗរបស់ខ្លួន។
លោក Gabriel Tan នាយកជាន់ខ្ពស់ផ្នែកទំនាក់ទំនងរបស់សម្ព័ន្ធក្រុមហ៊ុនព្រីនស៍ហូលឌីងគ្រុប បានឲ្យដឹងថា៖«ក្នុងភាពជាដៃគូនាពេលអនាគត យើងនឹងស្វែងរកអង្គការមិនមែនរដ្ឋាភិបាលដែលមានភាពជាក់លាក់ មាននិរន្តរភាព និងជាអង្គការដែលមានការអនុវត្តផ្ទាល់ ដែលយើងជឿជាក់ថា វានឹងបង្កើននូវតម្លៃសង្គមនៃការវិនិយោគរបស់យើង ឲ្យកាន់តែប្រសើរថែមទៀត»។
ដូចបានគូសបញ្ជាក់ផងដែរនៅក្នុងរបាយការណ៍នេះ មូលនិធិព្រីនស៍នឹងបង្វែរការផ្តោតយកចិត្តទុកដាក់ ពីកម្មវិធីគំនិតផ្តួចផ្តើមទាក់ទងនឹងជំងឺកូវីដ-១៩ ទៅជាការផ្តល់ជំនួយសប្បុរសធម៌ផ្នែកអប់រំវិញម្តង។ អ្វីដែលពិសេសជាងនេះទៀត គឺអាហារូបករណ៍ ចេន ហ្ស៊ី(
Chen Zhi)ដែលជាកិច្ចខិតខំប្រឹងប្រែងរួមគ្នា រយៈពេល៧ឆ្នាំ ជាមួយក្រសួងអប់រំ យុវជន និងកីឡា (MoEYS) ក្នុងការផ្តល់អាហារូបករណ៍ដល់និស្សិតចំនួន៤០០ នាក់ ដើម្បីសិក្សានៅតាមសកលវិទ្យាល័យដ៏ល្បីល្បាញ ក្នុងស្រុក។
របាយការណ៍ប្រចាំឆ្នាំ ក៏បានសបង្ហាញឲ្យឃើញ ពីការប្ដេជ្ញាចិត្តរបស់មូលនិធិព្រីនស៍ ចំពោះប្រជាជនកម្ពុជា ដោយប្រកាន់យកវិធីសាស្រ្តភាពជាដៃគូពហុភាគីជាយុទ្ធសាស្រ្ត ដើម្បីឲ្យប្រទេសកម្ពុជា ឆ្ពោះទៅរកអនាគតដ៏ត្រចះត្រចង់។ ក្នុងរយៈពេល៦ឆ្នាំ កន្លងមក មូលនិធិព្រីនស៍បានបរិច្ចាគទឹកប្រាក់ជាង ១៤ លានដុល្លារ ដែលបានជួយទៅដល់ប្រជាជនកម្ពុជា ជាងកន្លះលាននាក់។
អំពីមូលនិធិព្រីនស៍ (Prince Foundation)៖ មូលនិធិព្រីនស៍ ត្រូវបានបង្កើតឡើងក្នុងឆ្នាំ២០១៥ គឺជាមូលនិធិសប្បុរសធម៌ឈានមុខគេមួយនៅកម្ពុជា។ ក្នុងនាមជាសមាជិករបស់ក្រុមហ៊ុនព្រីនស៍ហូលឌីងគ្រុប ដែលជាសម្ព័ន្ធក្រុមហ៊ុនដ៏ធំមួយនៅកម្ពុជា មូលនិធិនេះមានគោលបំណងធ្វើការជាមួយសហគមន៍មូលដ្ឋាន ដើម្បីកសាងការរស់នៅ និងបរិយាកាសការងារដែលលើកកម្ពស់សុខុមាលភាព និងការរស់នៅរបស់ប្រជាជនតាមចក្ខុវិស័យ «រួមគ្នាកសាងអនាគតកាន់តែប្រសើរសម្រាប់កម្ពុជា»៕
(អត្ថបទពាណិជ្ជកម្ម)