អន្តរជាតិ
នយោបាយអន្តរជាតិ
លោក Imran Khan បាត់បង់តំណែងនាយករដ្ឋមន្ត្រីប៉ាគីស្ថាន ក្រោយសភាបោះឆ្នោតដកទំនុកចិត្ត
លោក Imran Khan បាត់បង់តំណែងនាយករដ្ឋមន្ត្រីប៉ាគីស្ថាន ក្រោយសភាបោះឆ្នោតដកទំនុកចិត្ត
×![]()
ដោយ ពុធ មីនា
សភាជាតិប៉ាគីស្ថាន កាលពីថ្ងៃអាទិត្យ បានបោះឆ្នោតដកទំនុកចិត្តលោក Imran Khan ពីតំណែងនាយករដ្ឋមន្ត្រី។ លោក Shehbaz Sharif មេដឹកនាំក្រុមប្រឆាំង ក្លាយជាបេក្ខភាពនាំមុខសម្រាប់តំណែងនាយករដ្ឋមន្ត្រី បន្តពីលោក Khan។
រដ្ឋាភិបាលដែលដឹកនាំដោយគណបក្ស Tehreek-e-Insaf (PTI) របស់លោក Imran Khan ត្រូវបានសភាជាតិដកទំនុកចិត្ត ក្នុងការបោះឆ្នោតកាលពីថ្ងៃអាទិត្យ។ ខណៈដែលគ្មាននាយករដ្ឋមន្ត្រីណាមួយនៅប៉ាគីស្ថាន បានបញ្ចប់អាណត្តិដឹកនាំ៥ឆ្នាំពេញ នារយៈពេល៧៥ឆ្នាំចុងក្រោយ លោក Khan ជាមេដឹកនាំដំបូង ដែលត្រូវបានសភាបោះឆ្នោតដកទំនុកចិត្ត។
កាលពីថ្ងៃសៅរ៍ សភាប៉ាគីស្ថានបានដំណើរការប្រជុំអស់រយៈពេលជាង១៤ម៉ោង ដោយមានការពន្យារពេលជាច្រើន ប៉ុន្តែមួយម៉ោងក្រោយពាក់កណ្តាល អធ្រាត្រ សមាជិកសរុប១៧៤រូប ក្នុងចំណោម៣៤២រូប បានបោះឆ្នោតដកទំនុកចិត្តរដ្ឋាភិបាល ដែលដឹកនាំដោយអតីតកីឡាករគ្រីតឃីត ទាក់ទងនឹងការគ្រប់គ្រងសេដ្ឋកិច្ចមិនបានល្អ និងគោលនយោបាយការបរទេសមិនច្បាស់លាស់។
លោក Shehbaz Sharif ប្រធានសម្ព័ន្ធមូស្លីម-ណាវ៉ាស (PML-N) ដែលបច្ចុប្បន្នជាមេដឹកនាំក្រុមប្រឆាំងនៅក្នុងសភាជាតិ ជាបេក្ខភាពនាំមុខសម្រាប់តំណែងនាយករដ្ឋមន្ត្រីថ្មី។ លោកជាប្អូនប្រុស របស់អតីតនាយករដ្ឋមន្ត្រី Nawaz Sharif។
នៅមុនសភាប្រកាសលទ្ធផលបោះឆ្នោតដកទំនុកចិត្ត លោក Shehbaz Sharif បាននិយាយថា របបថ្មីនឹងមិនបណ្ដោយខ្លួន ឲ្យមាននយោបាយសងសឹកនោះឡើយ។ «ខ្ញុំមិនចង់ត្រលប់ទៅរកភាពជូរចត់នៃអតីតកាលទេ យើងចង់បំភ្លេចពួកគេ ហើយដើរទៅមុខ យើងនឹងមិនសងសឹក ឬប្រព្រឹត្តអំពើអយុត្តិធម៌ឡើយ យើងនឹងមិនបញ្ជូនមនុស្សទៅគុកដោយគ្មានហេតុផលច្បាប់ និងយុត្តិធម៌នោះទេ៕
សភាជាតិប៉ាគីស្ថាន កាលពីថ្ងៃអាទិត្យ បានបោះឆ្នោតដកទំនុកចិត្តលោក Imran Khan ពីតំណែងនាយករដ្ឋមន្ត្រី។ លោក Shehbaz Sharif មេដឹកនាំក្រុមប្រឆាំង ក្លាយជាបេក្ខភាពនាំមុខសម្រាប់តំណែងនាយករដ្ឋមន្ត្រី បន្តពីលោក Khan។
រដ្ឋាភិបាលដែលដឹកនាំដោយគណបក្ស Tehreek-e-Insaf (PTI) របស់លោក Imran Khan ត្រូវបានសភាជាតិដកទំនុកចិត្ត ក្នុងការបោះឆ្នោតកាលពីថ្ងៃអាទិត្យ។ ខណៈដែលគ្មាននាយករដ្ឋមន្ត្រីណាមួយនៅប៉ាគីស្ថាន បានបញ្ចប់អាណត្តិដឹកនាំ៥ឆ្នាំពេញ នារយៈពេល៧៥ឆ្នាំចុងក្រោយ លោក Khan ជាមេដឹកនាំដំបូង ដែលត្រូវបានសភាបោះឆ្នោតដកទំនុកចិត្ត។
កាលពីថ្ងៃសៅរ៍ សភាប៉ាគីស្ថានបានដំណើរការប្រជុំអស់រយៈពេលជាង១៤ម៉ោង ដោយមានការពន្យារពេលជាច្រើន ប៉ុន្តែមួយម៉ោងក្រោយពាក់កណ្តាល អធ្រាត្រ សមាជិកសរុប១៧៤រូប ក្នុងចំណោម៣៤២រូប បានបោះឆ្នោតដកទំនុកចិត្តរដ្ឋាភិបាល ដែលដឹកនាំដោយអតីតកីឡាករគ្រីតឃីត ទាក់ទងនឹងការគ្រប់គ្រងសេដ្ឋកិច្ចមិនបានល្អ និងគោលនយោបាយការបរទេសមិនច្បាស់លាស់។
លោក Shehbaz Sharif ប្រធានសម្ព័ន្ធមូស្លីម-ណាវ៉ាស (PML-N) ដែលបច្ចុប្បន្នជាមេដឹកនាំក្រុមប្រឆាំងនៅក្នុងសភាជាតិ ជាបេក្ខភាពនាំមុខសម្រាប់តំណែងនាយករដ្ឋមន្ត្រីថ្មី។ លោកជាប្អូនប្រុស របស់អតីតនាយករដ្ឋមន្ត្រី Nawaz Sharif។
នៅមុនសភាប្រកាសលទ្ធផលបោះឆ្នោតដកទំនុកចិត្ត លោក Shehbaz Sharif បាននិយាយថា របបថ្មីនឹងមិនបណ្ដោយខ្លួន ឲ្យមាននយោបាយសងសឹកនោះឡើយ។ «ខ្ញុំមិនចង់ត្រលប់ទៅរកភាពជូរចត់នៃអតីតកាលទេ យើងចង់បំភ្លេចពួកគេ ហើយដើរទៅមុខ យើងនឹងមិនសងសឹក ឬប្រព្រឹត្តអំពើអយុត្តិធម៌ឡើយ យើងនឹងមិនបញ្ជូនមនុស្សទៅគុកដោយគ្មានហេតុផលច្បាប់ និងយុត្តិធម៌នោះទេ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
