រដ្ឋបាលខេត្តកំពង់ធំ ព្រមានថា ប្រជានេសាទទាំងអស់ដែលកំពុងនេសាទ និងរក្សាទុកឧបករណ៍នេសាទល្មើសច្បាប់មានដូចជា អួនអូសទឹកសាប ឧបករណ៍ឆក់ត្រី ម៉ាញ់ ឈិបយន្ត កន្រ្តងអូសលៀសដោយម៉ាស៊ីន និងឧបករណ៍នេសាទបង្កើតថ្មី គ្មានកំណត់ក្នុងដោយក្រសួងកសិកម្ម រុក្ខាប្រមាញ់ និងនេសាទ ត្រូវចូលខ្លួនប្រគល់ឱ្យអាជ្ញាធរក្នុងមូលដ្ឋានរៀងៗខ្លួនជាកំហិត ត្រឹមថ្ងៃទី៣១ ខែឧសភា។ ក្នុងករណី មិនអនុវត្តតាម​ អាជ្ញាធរនឹងចាត់វិធានការតាមផ្លូវច្បាប់។ 

ជាមួយគ្នានេះ​ រដ្ឋបាលខេត្តកំពង់ធំ ក៏បានអំពាវនាវដល់ប្រជានេសាទទាំងអស់ ត្រូវបញ្ឈប់ជាបន្ទាន់នូវសកម្មភាពប្រើប្រាស់ថ្នាំពុល សារធាតុគីមី និងសកម្មភាពដទៃទៀត ដែលបណ្តាលឲ្យ ប៉ះពាល់ដល់ ធនធានជលផល៕