អត្ថបទពាណិជ្ជកម្ម
កម្មវិធីថវិកាជំនួយអភិវឌ្ឍន៍ទីផ្សារនាំចេញ (EMDG)
× សហគ្រិនខ្មែរ (Khmer Enterprise) ដែលជាអង្គភាពចំណុះក្រោម ក្រសួងសេដ្ឋកិច្ច និងហិរញ្ញវត្ថុ នៅបន្ដទទួលពាក្យសម្រាប់កម្មវិធីថវិកា ជំនួយអភិវឌ្ឍន៍ទីផ្សារនាំចេញ (EMDG) សម្រាប់សហគ្រាសធុនតូច និងមធ្យម រហូតដល់ថ្ងៃទី៣១ ខែឧសភា ឆ្នាំ២០២២។ កម្មវិធីនេះផ្តល់មូលនិធិដោយ សហគ្រិនខ្មែរ (Khmer Enterprise)សហការរៀបចំ និងគ្រប់គ្រងដោយក្រុមហ៊ុនអ៊ីមើជីងម៉ាឃីតខនសាល់ធីង (EMC)។
កម្មវិធីនេះ មានគោលបំណងផ្ដល់ថវិកាជំនួយ ដល់សហគ្រាសធុនតូច និងមធ្យម (SMEs) ដើម្បីបង្កើនសក្តានុពលនាំចេញ ដោយកាត់បន្ថយការចំណាយ លើការលើកកម្ពស់ និងការអភិវឌ្ឍទីផ្សារនាំចេញ។ ស្របតាមយុទ្ធសាស្ត្ររបស់រាជរដ្ឋាភិបាលកម្ពុជា ក្នុងការលើកកម្ពស់ផលិតផលរបស់កម្ពុជា ទៅកាន់ទីផ្សារបរទេស កម្មវិធីនេះ នឹងកាត់បន្ថយបន្ទុករបស់សហគ្រាសធុនតូច និងមធ្យម ទៅលើចំណាយធំៗមួយចំនួន ក្នុងការផ្សព្វផ្សាយផលិតផលរបស់ខ្លួន ទៅកាន់ទីផ្សារអន្តរជាតិ និងកាត់បន្ថយសម្ពាធលើការចំណាយរបស់ សហគ្រាសធុនតូច និងមធ្យម ដែលរងផលប៉ះពាល់ពីជំងឺរាតត្បាតកូវីដ-១៩។
ដើម្បីអភិវឌ្ឍន៍ទីផ្សារនាំចេញ សហគ្រាសធុនតូច និងមធ្យម ត្រូវប្រឈមមុខនឹងការចំណាយជាច្រើន។ ចំណាយទាំងនោះ រួមមានការចំណាយទៅលើការធ្វើដំណើរទៅរកអតិថិជន និងចូលរួមព្រឹត្តិការណ៍នៅក្រៅស្រុក ការកែច្នៃផលិតផលសម្របតាមអតិថិជននៅក្រៅស្រុក ការផ្សព្វផ្សាយលើសកម្មភាពផ្សេងៗ ការជួលអ្នកប្រឹក្សាផ្តល់យោបល់ទៅលើផ្នែកអាជីវកម្ម ច្បាប់ និងពន្ធផ្សេងៗ ដែលជាតម្រូវការចាំបាច់ ក្នុងការនាំចេញទៅកាន់ទីផ្សារមួយចំនួន និងការចំណាយផ្សេងទៀតដែលទាក់ទងនឹងគុណភាព និងវិញ្ញាបនបត្ស្តង់ដារអន្តរជាតិ។
កម្មវិធីថវិកាជំនួយអភិវឌ្ឍន៍ទីផ្សារនាំចេញ (EMDG) នេះ នឹងផ្តល់សំណង ៥០ភាគរយ ទៅលើការចំណាយសរុប របស់សហគ្រាសធុនតូច និងមធ្យម ដែលចូលក្នុងលក្ខន្តិកៈរបស់កម្មវិធី គិតចាប់ពីខែមករា ឆ្នាំ២០១៩។ កម្មវិធីនេះ ផ្តោតជាពិសេសលើសហគ្រាសធុនតូច និងមធ្យម ដែលធ្លាប់បាននាំចេញទៅកាន់ទីផ្សារបរទេសហើយ ក៏ដូចជាលើកទឹកចិត្តដល់សហគ្រាសធុនតូច និងមធ្យម ដែលមានបំណងវិនិយោគលើសកម្មភាពអភិវឌ្ឍទីផ្សារនាំចេញថ្មី ឬ ជំរុញបន្ថែមលើទីផ្សារ ដែលមានស្រាប់ផងដែរ។
ស្របពេលដែលកម្មវិធីនេះ លើកទឹកចិត្តឱ្យសហគ្រាសធុនតូច និងមធ្យម ក្នុងវិស័យកសិកម្ម វិស័យកែច្នៃទិន្នផលកសិកម្ម និងវិស័យផលិតកម្មឱ្យដាក់ពាក្យ សហគ្រិនខ្មែរ (KE) ក៏បើកទូលាយឱ្យសហគ្រាសធុនតូច និងមធ្យម ក្នុងវិស័យផ្សេងៗ ដែលមានចំណាយចូលក្នុងលក្ខន្តិកៈរបស់កម្មវិធី ឲ្យដាក់ពាក្យផងដែរ។ សម្រាប់ព័ត៌មានបន្ថែម និងរបៀបនៃការដាក់ពាក្យទៅកម្មវិធី សូមចុចលើនេះ។ ដាក់ពាក្យមកឥឡូវនេះ តាមរយៈ
https://bit.ly/3N48zXg៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com