កម្ពុជា នឹងត្រូវជួបម្ចាស់ជើងឯក២សម័យកាល ម៉ាឡេស៊ី ដែលជាក្រុមមួយមានបទពិសោធជោគជាំ ក្នុងវិស័យកីឡាបាល់ទាត់ នាកីឡដ្ឋាន Magowoharjo ក្រុងSleman ថ្ងៃទី២ ខែសីហា។

 

៣ថ្ងៃបន្ទាប់ កម្ពុជាត្រូវជួបប្រកួតជាមួយម្ចាស់ជើងឯក២សម័យអូស្តា្រលី នាកីឡដ្ឋានSultan Agung ក្នុងខេត្តBultan, និងបន្តជួបម្ចាស់ជើងឯក២សម័យមីយ៉ាន់ម៉ា នាកីឡដ្ឋានដដែលនេះ នៅថ្ងៃទី៨ សីហា។

 

នេះជាលើកទី១១ ហើយ សម្រាប់ក្រុមជម្រើសជាតិកម្ពុជាអាយុក្រោម ១៦ឆ្នាំ ដែលបានចូលរួមប្រកួតប្រជែងពានរង្វាន់បាល់ទាត់ AFF U16 CHAMPIONSHIP។ កម្ពុជា ធ្លាប់ធ្វើជាម្ចាស់ផ្ទះ ១លើកក្នុងព្រឹត្តិការណ៍នេះ នាពហុកីឡដ្ឋានអូឡាំពិក ក្នុងឆ្នាំ២០១៦ ដែលកម្ពុជាទទួលបានចំណាត់ថ្នាក់លេខ៤ បន្ទាប់ពីចាញ់វៀតណាម ០-១ វគ្គពាក់កណ្តាលផ្តាច់ព្រ័ត្រ។

 

គួរបញ្ជាក់ថា ពូលC រួមមាន កម្ពុជា អូស្ត្រាលី មីយ៉ាន់ម៉ា និងម៉ាឡេស៊ី, ពូលA មានម្ចាស់ផ្ទះឥណ្ឌូណេស៊ី វៀតណាម សិង្ហបុរី និងហ្វីលីពីន ។ ចំណែកពូលB មានថៃ ទីម័រខាងកើត ឡាវ និងព្រុយណេ៕