ចាប់ផ្តើមមានវត្តមាននៅស្រុកបន្ទាយស្រី នាពាក់កណ្ដាលឆ្នាំ២០១៩ បច្ចុប្បន្ន មានស្រ្តីជាង១០០នាក់ហើយ ដែលទទួលបានការបណ្ដុះបណ្ដាលជំនាញតម្បាញសូត្រ នៅមជ្ឈមណ្ឌលបណ្ដុះបណ្ដាលជំនាញតម្បាញសូត្រ ដែលគ្រប់គ្រងដោយអង្គការ ពណ៌សូត្រ ឬ Color Silk។ អ្នកស្រី ងន វ៉ាន់ថា ប្រាប់ថា មជ្ឈមណ្ឌលនេះ ទទួលបានការឧបត្ថម្ភពីធនាគារមេយប៊ែង តាមរយៈកម្មវិធី Women Eco-Weavers។ 

 

ការបណ្ដុះបណ្ដាលនេះមានរយៈពេល៥ខែ​ ក្នុងបំណងលើកកម្ពស់កម្រិតជីវភាពស្រ្ដី ក្នុងសហគមន៍ និងយុវតីដែលបោះបង់ការសិក្សា ឱ្យមានចំណេះជំនាញមួយត្រឹមត្រូវលើកស្ទួយកម្រិតជីវភាពគ្រួសារ។

គោលដៅទៅអនាគត​ អ្នកស្រី ងន វ៉ាន់ថា ចង់ពង្រីកមជ្ឈមណ្ឌលឱ្យកាន់តែធំជាងមុន បំណងផ្តល់ការបណ្ដុះបណ្ដាលដល់ស្រ្ដី ឱ្យបានកាន់តែច្រើនក្នុងសហគមន៍។ ផ្តល់ជំនាញដល់ស្រ្តី ដែលចាប់អារម្មណ៍ចង់បន្តការងារ និងលើកស្ទួយការងារតម្បាញសូត្រឱ្យបានគង់វង្ស ៕