កីឡាជាតិ
ជាតិ
នាយកប្រតិបត្តិក្រុមហ៊ុន CPL ជំរុញឲ្យកីឡដ្ឋានគ្រប់ក្លិប ដំឡើងអំពូលភ្លើង សម្រាប់ប្រកួត ក្រុមអ្នកសារព័ត៌មាន មកពីស្ថាប័នផ្សព្វផ្សាយ ក្នុងកិច្ចសំណេះសំណាល ជាមួយ លោក Satoshi Siato នាយកប្រតិបត្ដិ Cambodian Premier League
× ក្នុងកិច្ចសំណេះសំណាលជាមួយប្រព័ន្ធផ្សព្វផ្សាយ កាលពីថ្ងៃទី៣១ ខែសីហា លោក Satoshi Saitoនាយកប្រតិបត្ដិលីគកម្ពុជា (Cambodian Premier League) បានប្រាប់អ្នកសារព័ត៌មាន ថា កីឡដ្ឋានរបស់ក្រុមនីមួយៗក្នុងលីគ គួរតែដំឡើងអំពូលភ្លើង ដើម្បីសម្រួលដល់ការប្រកួត ព្រោះការប្រកួតក្រោមពន្លឺថ្ងៃក្ដៅ កីឡាករមិនអាចបញ្ចេញសមត្ថភាពអស់។
ការប្រកួតមួយចំនួន ក្នុងលីគកំពូល និងលីគ២កម្ពុជា ត្រូវប្រកួត វេលាម៉ោង៣:៣០ ឬម៉ោង៣:៤៥ នាទីរសៀល ដែលពេលវេលានេះ មានកម្ដៅថ្ងៃមិនទាន់ចុះត្រជាក់ទេ។ ចំពោះការប្រកួតក្រោមកម្ដៅថ្ងៃបែបនេះ ត្រូវបានលោក Satoshi Saito បានប្រាប់ថា កីឡាករ មិនអាចបញ្ចេញសមត្ថភាពអស់ទេ ព្រោះឆាប់ហត់ និងចំណាយកម្លាំងខ្លាំង។
ពេលវេលាដែលត្រូវប្រកួត នាពេលរសៀលនោះ គឺសម្រាប់កីឡដ្ឋានណា ដែលមិនមានភ្លើងបំភ្លឺក្នុងទីលានប្រកួត។ ឧទាហរណ៍ ដូចជាទីលានបាល់ទាត់ គិរីវង់សុខសែនជ័យ និងកីឡដ្ឋានក្រុមលីគ២មួយចំនួនទៀត។
ក្រៅពីបញ្ហាអំពូលភ្លើងនេះ នាយកប្រតិបត្តិCPL ក៏យកចិត្តទុកដាក់ចំពោះបញ្ហាទីលានប្រកួតបាល់ទាត់ ទាំងសុខភាពស្មៅ និងបច្ចេកទេសដាំស្មៅផងដែរ ។ លោក Satoshi យល់ថា ចំណុចទាំងនេះ គឺជាផ្នែកមួយជំរុញឲ្យកីឡាករ អាចបញ្ចេញសមត្ថភាពអស់ក្នុងទីលាន៕
Tag:
បាល់ទាត់
Satoshi Saito
CPL
© រក្សាសិទ្ធិដោយ thmeythmey.com