នៅវគ្គទី១ ក្រុមយុវជនអាយុក្រោម ១៨ឆ្នាំរបស់វិសាខា បើកការនាំមុខភ្នំពេញក្រោន ១-០ នៅនាទី១៧ ដោយខ្សែប្រយុទ្ធ មាន ចានើរឹទ្ធ។ ចប់វគ្គទី១ ក្រុមទាំងពីររក្សាលទ្ធផលបណ្តោះអាសន្ន ១-០ បើទោះភ្នំពេញក្រោន វាយសម្រុកច្រើនលើកតែគ្មានសំណាងក្នុងការទាត់ទម្លាយសំណាញ់ទីវិសាខា ។

 

ចូលដល់វគ្គទី២ វិសាខា បន្ថែមបានគ្រាប់ទី២ នៅនាទី៥៣ ធ្វើបានដោយខ្សែបម្រើកណ្តាល ភឿក ថាត់ថៃ តាមរយៈការទាត់បាល់ចេញពីជ្រុងពីសំណាក់មិត្តរួមក្រុមកីឡាករ នេត ណែត និងគ្រាប់ទី៣ ដោយ ថាត់ថៃ ដដែលនៅនាទី៥៧។ ២នាទីបន្ទាប់ ភ្នំពេញក្រោន តាមបាន១គ្រាប់វិញ ដោយខ្សែប្រយុទ្ធ ហេង គឹមសុង។ បញ្ចប់ការប្រកួត វិសាខាឈ្នះភ្នំពេញក្រោន ៣-១។

 

តាមរយៈជ័យជម្នះនៅវគ្គផ្តាច់ព្រ័ត្រនេះ បានជួយក្រុមយុវជនវិសាខាអាយុក្រោម១៨ឆ្នាំ គ្រងដំណែងជើងឯក(CYF U-18) នៅឆ្នាំ២០២២ និងជាការឈ្នះលើកដំបូងនៃការបង្កើតពានយុវជននេះលើកដំបូង៕