ការប្រកួតវិលជុំជម្រុះដណ្តើមខ្សែក្រវ៉ាត់កម្មវិធីប្រកួតប្រដាល់គុនខ្មែរពានរង្វាន់សម្តេចពិជ័យសេនា ទៀ បាញ់ នឹងមានវត្តមានកីឡាករប្រដាល់ល្បីៗនៅកម្ពុជាដើម្បីចូលរួមប្តូរកណ្តាប់ដៃ កែងជង្គង់ និងក្បាច់ស្នៀតជាច្រើនទៀតដែលជាសិល្បៈគុនខ្មែរ។

 

ពូល A ម្ចាស់មេដាយសំរឹទ្ធស៊ីហ្គេមលើកទី៣១ នៅវៀតណាម ឃុន បូរ៉ា និងម្ចាស់មេដាយសំរឹទ្ធប្រដាល់សកល ទូច ដេវីត ខ្លារខិនខ្មៅ ឡុង ជិន  និងកីឡាករ សូត វាសនា។ ចំណែកពូល B រួមមានម្ចាស់ខ្សែក្រវ៉ាត់មាស ISI PALM រាហ៊ូមាស ឈុត សេរីវ៉ាន់ថង ម្ចាស់ខ្សែក្រវ៉ាត់មេដាយមាស និងខ្សែក្រវ៉ាត់ IFMA រិន ដេវីត រន្ទះជើងដំរីជាន់ខ្លា គង់ ហូវ និងកីឡាករ សៀវ ង៉ុយ។

 

សូមបញ្ជាក់ថា ការប្រកួតរវាងកីឡាករទាំង៨រូប គឺវាយលើប្រភេទទម្ងន់៦០គីឡូក្រាម ដោយប្រកួតវិលជុំជម្រុះសន្សំពិន្ទុ និងយក៤រូបទៅវគ្គពាក់កណ្តាលផ្តាច់ព្រ័ត្រ និងប្រកួតបន្តនៅវគ្គផ្តាច់ព្រ័ត្រដើម្បីស្វែងរកម្ចាស់ខ្សែក្រវ៉ាត់ពានរង្វាន់សម្តេចពិជ័យសេនា និងផ្ទះវីឡាមួយខ្នង ជាមួយប្រាក់រង្វាន់ខ្ទង់ម៉ឺនដុល្លារទៀត៕