ជាតិ
សាកលវិទ្យាល័យភូមិន្ទវិចិត្រសិល្បៈ និងអគារការិយាល័យអង្គការយូណេស្កូ នឹងបើកទ្វារឱ្យសាធារណជនចូលទស្សនា
×
ដោយ៖ សែម ប្រាក់ដាវ
ភ្នំពេញ៖ ក្នុងឱកាស «ទិវាបេតិកភណ្ឌអឺរ៉ុប» សាកលវិទ្យាល័យភូមិន្ទវិចិត្រសិល្បៈ និងអគារការិយាល័យអង្គការយូណេស្កូនៅភ្នំពេញ នឹងបើកទ្វារទទួលសាធារណជនឱ្យចូលទស្សនាដោយសេរី នៅថ្ងៃទី១៧ ខែកញ្ញា ឆ្នាំ២០២២នេះ។
ក្នុងទិវាបេតិកភណ្ឌអឺរុប សាកលវិទ្យាល័យភូមិន្ទវិចិត្រសិល្បៈ នឹងអនុញ្ញាតឱ្យសាធារណជន សិស្សានុសិស្ស មានឱកាសស្វែងយល់ពីប្រវតិ្តសាកលវិទ្យាល័យ សំណង់ស្ថាត្យកម្ម ស្នាដៃសិល្បៈមួយចំនួន ដែលជាសម្បត្តិបេតិកភណ្ឌជាតិ និងដើម្បីចូលរួមអភិរក្សសម្បត្តិសិល្បៈវប្បធម៌ជាតិ។ ជាមួយគ្នានេះ អគារការិយាល័យអង្គការយូណេស្កូ ដែលមានទីតាំងនៅទល់មុខវាលព្រះមេរុ ក៏បើកទ្វារឱ្យសាធារណជនចូលទស្សនានៅថ្ងៃទី១៧ កញ្ញានេះផងដែរ។
ចំពោះការចូលទស្សនានៅទីតាំងទាំងពីរខាងលើ គឺចាប់ផ្ដើមពីម៉ោង ៨ព្រឹក ដល់ម៉ោង៥ល្ងាច ដោយមិនចាំបាច់ ចុះឈ្មោះមុននោះទេ។ ក្រៅពីទីតាំង២ខាងលើ ស្ថានទូតបារាំងប្រចាំកម្ពុជា បានត្រៀមបើកទ្វារទទួលសាធារណជនចូលទស្សនានៅថ្ងៃទី១៧ កញ្ញា។ ទិវាបេតិកភណ្ឌនេះ ធ្វើឡើងនៅក្នុងក្របខ័ណ្ឌនៃទិវាបេតិកភណ្ឌអឺរ៉ុប ដែលផ្តួចផ្តើមគំនិតដោយប្រទេសបារាំង បច្ចុប្បន្នត្រូវបានប្រារព្ធឡើងក្នុងប្រទេសជាង៥០៕
Tag:
ThmeyThmey25
ទិវាបេតិកភណ្ឌ
© រក្សាសិទ្ធិដោយ thmeythmey.com