បញ្ជាការដ្ឋានអង្គរក្ស បានត្រឹមបរាជ័យក្រោមស្នាដៃក្រុមខ្លាំងវិសាខា ដោយចាញ់លទ្ធផល ៣-០សិត។ ក្នុងសិតទី១ បញ្ជាការដ្ឋានចាញ់ពិន្ទុដាច់ឆ្ងាយដែលបញ្ចប់ក្នុងលទ្ធផលពិន្ទុ ២៥-១៣ និងបន្តចាញ់នៅសិតទី២ ទៀតដោយពិន្ទុកាន់តែឆ្ងាយគ្នា ២៥-០៩ និងសិតទី៣ ចាញ់ដោយពិន្ទុប្រកៀកប្រកើយគ្នា ២៥-២០។

 

ចំណែកកងពលធំអន្តរាគមន៍លេខ៣ ក៏មិនខុសគ្នាអីឆ្ងាយដែរដោយចាញ់ក្រសួងមហាផ្ទៃ ៣-១សិត។ ក្នុងសិតទី១ កងពលធំលេខ៣ បើកការនាំមុខមុន១សិត ដោយពិន្ទុប្រកៀកគ្នា ២៥-២២ និងត្រូវបានក្រសួងមហាផ្ទៃវាយបកមកវិញនៅសិតទី២ ដោយពិន្ទុ២៥-១៩ សិតទី៣ ក្រសួងមហាផ្ទៃធ្វើបានល្អដដែលដោយឈ្នះពិន្ទុដូចសិតទី២ ដដែល ២៥-១៩ និងបញ្ចប់នៅសិតទី៤ មហាផ្ទៃ បញ្ជប់ដោយលទ្ធផលពិន្ទុ ២៥-១៦។

 

ក្រុមទាំងពីរនឹងត្រូវប្រកួតគ្នាដើម្បីស្វែងរកម្ចាស់ជ័យលាភីដំណែងលេខ៣ ពានរង្វាន់បាល់ទះក្នុងសាលសម្តេច ហ៊ុន សែន មុននឹងការប្រកួតរវាងសមាគមបាល់ទះវិសាខា និងក្រសួងមហាផ្ទៃ ប្រកួតដណ្តើមដំណែងជើងឯកឆ្នាំ២០២២៕