ជាតិ
យុវជនសកម្ម សេវាល្អ
ពោធិ៍សាត់៖ មេឃុំអន្លង់ត្នោត នឹងជំរុញឱ្យការផ្តល់សេវារដ្ឋបាលដល់ពលរដ្ឋកាន់តែល្អក្នុងអាណត្តិខ្លួន
×
ដោយ៖ ផាន សុខជា និងព្រំ វិសាល (យុវជនឃុំអន្លង់ត្នោត)
ឃុំក្បាលត្រាច, ពោធិ៍សាត់៖ អ្នកស្រីប៊ិ ស៊ីវឡា មេឃុំអន្លង់ត្នោត នឹងខិតខំជំរុញឱ្យការផ្តល់ និងទទួលសេវារដ្ឋបាល នៅសាលាឃុំ រវាងមន្ត្រីឃុំ និងពលរដ្ឋ មានភាពកាន់តែកក់ក្តៅ
និងល្អប្រសើរជាងមុន។
ជាមេឃុំដែលទើបនឹងចូលកាន់តំណែងនៅក្នុងអាណត្តិថ្មីនេះ មេឃុំរូបនេះក៏ចង់កែប្រែមុខមាត់ឃុំអន្លង់ត្នោត ឱ្យល្អប្រសើរជាងមុន ទាំងក្នុងផ្នែកហេដ្ឋារចនាសម្ព័ន្ធ សេវាអប់រំ និងសេវាសុខាភិបាលជាដើម។
ដើម្បីជ្រាបច្បាស់ សូមលោកអ្នកនាងទស្សនាវីដេអូខាងក្រោមនេះ៖
អ្នកស្រីប៊ិ ស៊ីវឡា មេឃុំអន្លង់ត្នោត ដែលទើបនឹងចូលកាន់តំណែងនៅក្នុងអាណត្តិថ្មីនេះ បានប្តេជ្ញាចិត្តថា នឹងខិតខំបម្រើសេវារដ្ឋបាលសាធារណៈ ជូនប្រជាពលរដ្ឋក្នុងឃុំ ឱ្យបានល្អប្រសើរជាងមុន។ ទន្ទឹមនឹងនេះ មេឃុំរូបនេះ ក៏អរគុណដល់ពលរដ្ឋ ដែលស្រឡាញ់ និងផ្តល់ការទុកចិត្តដោយបោះឆ្នោតឱ្យរូបខ្លួន ធ្វើជាមេឃុំ។ អ្នកស្រី ប៊ិន ស៊ីវឡា គូសបញ្ជាក់ពីការតាំងចិត្តរបស់ខ្លួនក្នុងបម្រើពលរដ្ឋដែលជាម្ចាស់ឆ្នោតយ៉ាងដូច្នេះ៖ «យើងជាអ្នកបម្រើរបស់លោក(ប្រជាពលរដ្ឋ)។ មិនមែនយើងឡើងមក ធ្វើជាមេហើយ មិនគោរព មិនស្រឡាញ់គាត់ (ពលរដ្ឋ) គឺអត់ទេ។ គឺគាត់(ពលរដ្ឋ)ជាម្ចាស់របស់យើង។ អ៊ីចឹង យើងត្រូវតែបំពេញការងារជូនគាត់(ពលរដ្ឋ) ឱ្យបានប្រសើរជាងមុន។»។
ជាមេឃុំអាណត្តថ្មី មេឃុំស្ត្រីរូបនេះ ក៏ចង់កែប្រែមុខមាត់ឃុំអន្លង់ត្នោត ឱ្យល្អប្រសើរជាងមុន ទាំងក្នុងផ្នែកហេដ្ឋារចនាសម្ព័ន្ធ សេវាអប់រំ និងសេវាសុខាភិបាលជាដើម។ អ្នកស្រី ប៊ិន ស៊ីវឡា ពន្យល់ដូច្នេះ៖ «យើងចង់ឱ្យសាលាឃុំយើងក្លាយជាសាលាឃុំមេត្រី។ យើងចង់ធ្វើយ៉ាងម៉េច ឱ្យសាលាឃុំនេះស្អាត។ ការផ្តល់សេវា និងការទទួលសេវា ឱ្យមានភាពកក់ក្តៅ។ នេះអ្វីដែលយើងចង់បាន។ យើងមិនចង់បានផ្លូវជង្ហុក យើងមិនចង់ផ្លូវដីក្រហមទៀតទេ។ ខ្ញុំចង់បានបេតុង ខ្ញុំចង់បានកៅស៊ូ។ បើសិនជាមួយអាណត្តិនេះ យើងមានលុយ យើងចង់ធ្វើតែទាំងអស់ហ្នឹង។ យើងអត់មានទុកឱ្យពលរដ្ឋយើងដើរផ្លូវលំបាកទៀតទេ។ »៕
(អត្ថបទ ឬវីដេអូនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទនេះ គឺជាការទទួលខុសត្រូវរបស់ស្មេរ ឬផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែតនោះទេ)
Tag:
ThmeyThmey
អប់រំ
ក្បាលត្រាច
© រក្សាសិទ្ធិដោយ thmeythmey.com