កីឡាជាតិ
ជាតិ
មិត្តភាពអន្តរជាតិ៖ ក្រោយឈ្នះសិង្ហបុរី និងគុយបា ក្រុមបាល់ទះជម្រើសជាតិកម្ពុជា ត្រៀមជួបបារាំង បាល់ទះកម្ពុជា(ខៀវ) លោតបាំង ការគុបពីកីឡាករហ្វីលីពីន(ក្រហម) ក្នុងវគ្គជម្រុះក្នុងពូលB ស៊ីហ្គេមលើកទី៣១ នៅវៀតណាម កន្លងទៅ។
× រប្រកួតមិត្តភាពអន្តរជាតិជាមួយជម្រើសជាតិបារាំង មុនព្រឹត្តិការណ៍ស៊ីហ្គេមឆ្នាំ២០២៣ មកដល់។ នេះបើតាមការបង្ហើបឱ្យដឹងពីលោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា ក្រោយបិទបញ្ចប់ពានរង្វាន់បាល់ទះសម្តេច ហ៊ុន សែន នៅថ្ងៃទី៣០ ខែតុលា នាទីលានបាល់ទះក្នុងសាលព្រីនស៍។
«យើងនឹងមានមិត្តភាពបន្ថែមទៀតជាមួយនឹងបារាំង ដោយអាចអញ្ជើញក្រុមអាយុក្រោម២១ឆ្នាំ បារាំង មកប្រកួតនៅកម្ពុជា ឬនាំយកកីឡាករកម្ពុជា ទៅប្រកួតនៅប្រទេសបារាំងតែម្តង ហើយការប្រកួតនេះអាចនឹងកើតមានឡើងក្នុងពេលឆាប់ៗ។ ខ្ញុំជឿជាក់ថាស៊ីហ្គេមឆ្នាំ២០២៣ កម្ពុជានឹងធ្វើអ្វីរឹតតែអស្ចារ្យថែមទៀតជូនជាតិមាតុភូមិ»។ លោក អាំង សិរីពិសិដ្ឋលើកឡើងដូច្នេះក្នុងបទសម្ភាសផ្ទាល់ នាកីឡដ្ឋានព្រីនស៍។
ការប្រកួតមិត្តភាពអាចនឹងកើតមានឡើងបន្ទាប់ពីថ្នាក់ដឹកនាំកីឡាទាំងភាគីកម្ពុជា និងបារាំងកំណត់ពេលវេលាជាក់លាក់ណាមួយដើម្បីសម្រេចថា ការប្រកួតគួរធ្វើនៅសាធារណរដ្ឋបារាំង ឬត្រូវប្រកួតក្នុងទឹកដីព្រះរាជាណាចក្រកម្ពុជា។
គួរបញ្ជាក់ផងដែរថា លោក នេត សាវឿន ប្រធានសហព័ន្ធកីឡាបាល់ទះកម្ពុជា បានអញ្ជើញជួបប្រជុំតាមប្រព័ន្ធវីដេអូហ្សូម (Zoom Meeting) ជាមួយ លោក Eric TANGUY ប្រធានសហព័ន្ធកីឡាបាល់ទះ នៃសាធារណរដ្ឋបារាំង ដើម្បីពង្រឹងកិច្ចសហការ និងពង្រឹងវិស័យកីឡាបាល់ទះកម្ពុជារួចមួយលើកហើយ នៅថ្ងៃទី២៧ ខែតុលា៕
Tag:
កីឡាបាល់ទះ
មិត្តភាពអន្តរជាតិ
© រក្សាសិទ្ធិដោយ thmeythmey.com