កីឡាករ កីឡាការិនីជឺជីតស៊ូជម្រើសជាតិកម្ពុជា កំពុងហ្វឹកហាត់យ៉ាងយកចិត្តទុកដាក់ ដោយមានលោក Jasper Paas ជនជាតិហូឡង់ ជាគ្រូបង្គោល ដើម្បីត្រៀមចូលរួមព្រឹត្តិការណ៍ប្រកួតកីឡាជឺជីតស៊ូជើងឯកពិភពលោកនៅអេមីរ៉ាតអារ៉ាប់រួម។ កីឡាករ-កីឡាការិនី៣ រូបដែលនឹងត្រូវទៅចូលរួមប្រកួតនោះរួមមាន កីឡាការិនី ខាន់ ចេសា កីឡាករ ហួរ សេងហុងណ និង ថន អេនដ្រូ ។
 

ខាន់ ចេសា ប្រកួតវិញ្ញាសា Jiu Jitsu (Newaza) ទម្ងន់ -៥២kg ប្រកួតនៅថ្ងៃទី២ ខែវិច្ឆិកា។ កីឡាករ ហួរ សេងហុង ប្រកួតវិញ្ញាសា Jiu Jitsu (Newaza) ទម្ងន់ -៦៩kg ប្រកួតនៅថ្ងៃទី៣ ខែវិច្ឆិកា និងកីឡាករ ថន អេនដ្រូ ប្រកួតវិញ្ញាសា Jiu Jitsu (Newaza) ទម្ងន់ -៦២kg ប្រកួតនៅថ្ងៃទី៣ ខែវិច្ឆិកា ឆ្នាំ២០២២។ 
 

ទន្ទឹមនេះ ក្រៅពីចូលរួមប្រកួតព្រឹត្តិការណ៍ខាងលើ ប្រតិភូកីឡាជឺជីតស៊ូកម្ពុជា គ្រោងនឹងចូលរួមមហាសន្និបាតកីឡាជឺជីតស៊ូពិភពលោក ដែលនឹងប្រព្រឹត្តទៅនាថ្ងៃទី២ ខែវិច្ឆកា ឆ្នាំ២០២២ ផងដែរ៕