ប្រកួតដំបូងនៅជើងទី១ ក្រុមកីឡាការិនីបាល់បោះជិះលើរទេះជនពិការកម្ពុជា បានយកឈ្នះម្ចាស់ផ្ទះឥណ្ឌា ក្នុងលទ្ធផល ៥៨-១៤។ ប្រកួតបន្ទាប់បានយកឈ្នះក្រុមកីឡាការិនីបាល់បោះជិះលើរទេះជនពិការ នេប៉ាល់ ៥៦-២២ ហើយបន្តឈ្នះនេប៉ាល់នៅជើងទី២ ដោយលទ្ធផល ៥០-២៥។

 

កម្ពុជា នឹងត្រូវរង់ចាំការប្រកួតរវាងម្ចាស់ផ្ទះឥណ្ឌា និងនេប៉ាល់ នៅជើងទី២ ដើម្បីសម្រេចថា ក្រុមណាអាចឈានទៅវគ្គផ្តាច់ព្រ័ត្រ ដើម្បីជួបប្រកួតជាមួយកម្ពុជា។ ម្ចាស់ផ្ទះឥណ្ឌា ឆ្លងកាត់៣ប្រកួត ឈ្នះ១ ចាញ់ពីរ ខណៈនេប៉ាល់ ៣ប្រកួត ពុំដែលស្គាល់ពាក្យឈ្នះឡើយ។

 

គួរបញ្ជាក់ថា ការប្រកួតធ្វើឡើងចាប់ពីថ្ងៃទី៦-១១ ខែវិច្ឆិកា ឆ្នាំ២០២២ នៅប្រទេសឥណ្ឌា ដែលមានប្រទេស កម្ពុជា នេប៉ាល់ និងឥណ្ឌា(ម្ចាស់ផ្ទះ) ចូលរួមប្រកួតប្រជែង។ សម្រាប់កម្មវិធីប្រកួតនេះជាលើកដំបូង ដែលបានរៀបចំដោយសហព័ន្ធកីឡាបាល់បោះជាតិឥណ្ឌា (WBFI) រួមសហការជាមួយកាកបាទក្រហមអន្តរជាតិ (ICRC)៕