ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ការដ្ឋានស្ថាបនាផ្លូវជាតិលេខ២ កំពុងបង្កហានិភ័យដល់ពលរដ្ឋធ្វើដំណើរពេលយប់?
02, Mar 2023 ,
3:14 pm
រូបភាព
×
ដោយ:
ធឿន បញ្ញាឬទិ្ធ
ក្រសួងសាធារណការ និងដឹកជញ្ជូន បានចាប់ផ្តើមស្ថាបនាកំណាត់ផ្លូវជាតិលេខ២ ចាប់ពីតំបន់ព្រែកហូរ មកកាន់រង្វង់មូលកួរស្រូវ តាំងពីដើមឆ្នាំ២០២៣មក។ ប៉ុន្តែការដ្ឋានសាងសង់នេះ កំពុងបង្កហានិភ័យដល់ពលរដ្ឋធ្វើដំណើរលើដងផ្លូវ នាពេលយប់។
ការអភិវឌ្ឍហេដ្ឋារចនាសម្ព័ន្ធផ្លូវថ្នល់ជារឿងល្អហើយ តាមសេចក្តីត្រូវការរបស់ពលរដ្ឋគ្រប់រូបចង់បាន។ ប៉ុន្តែការអភិវឌ្ឍនោះ ក៏ត្រូវគិតដល់ហានិភ័យ ដែលអាចបង្កគ្រោះថ្នាក់ដល់ពលរដ្ឋដែរ។ ជាក់ស្ដែងនៅលើកំណាត់ផ្លូវជាតិលេខ២ ដែលកំពុងសាងសង់នេះ បានបង្កហានិភ័យដល់ពលរដ្ឋធ្វើដំណើរនាពេលយប់ ដោយសារតែការដ្ឋានសាងសង់ខ្លះ មានដាក់ចំណាំងផ្លាតឱ្យពលរដ្ឋបានដឹងមុន និងប្រុងប្រយ័ត្ន ។ តែការដ្ឋានខ្លះ មិនមានចំណាំងផ្លាតឡើយ ស្របពេលតាមបណ្ដោយផ្លូវជាតិលេខ២នេះ គ្មានអំពូលភ្លើងបញ្ចាំងនៅតាមដងផ្លូវ។
ពលរដ្ឋមួយចំនួន ដែលរស់នៅ និងជិះកាត់ទៅវិញទៅមក តាមបណ្ដោយផ្លូវជាតិលេខ២ ពីតំបន់ព្រែកហូរ មកកាន់រង្វង់មូលកួរស្រូវនេះ មានការរអ៊ូរទាំ និងព្រួយបារម្ភពីសុវត្ថិភាពលើដងផ្លូវ។ លោក យូគៀង ដែលជាពលរដ្ឋរស់នៅក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញនេះ បានអះអាងថា ខ្លួនជិះម៉ូតូប៊ិះបុករនាំងការដ្ឋានស្ថាបនាផ្លូវនេះ ជាច្រើនដងមកហើយ នាពេលធ្វើដំណើរពេលយប់ ដោយសារតែមើលមិនសូវឃើញ ព្រោះគ្មានចំណាំងផ្លាត។ មានសម្បុរ ស និងកម្ពស់ខ្ពស់ បុរសវ័យជាង២០ឆ្នាំរូបនេះ បាននិយាយថា៖«ខ្ញុំមានការពិបាកមើលផ្លូវ ដោយសារខ្ញុំមានបញ្ហាអន់ភ្នែក ហើយការដ្ឋានស្ថាបនាអត់មានផ្ដល់សញ្ញា និងចំណាំងផ្លាតឱ្យយើងបានដឹងមុន។ ខ្ញុំជិះប៊ិះបុករំនាំងការដ្ឋាននេះ៥ដងមកហើយ»។
ពេលធ្វើដំណើរពេលព្រឹក និងថ្ងៃរសៀលនោះ យូគៀង តែងតែមើលផ្លូវចំណាំទុកឱ្យហើយថា តើត្រង់ចំណុចណា ដែលគេកំពុងជួសជុលផ្លូវ? ដើម្បីងាយស្រួលបើកបរម៉ូតូនាពេលយប់ឡើង។ ជិះម៉ូតូពេលយប់ យូគៀង ត្រូវពឹងផ្អែកលើពន្លឺភ្លើងឡាន ដែលបើកបរពីក្រោយម៉ូតូខ្លួន ទើបអាចធ្វើដំណើរទៅផ្ទះ ដោយសុវត្ថិភាព។
«ពេលចេញមកធ្វើការ ខ្ញុំជិះមកតាមផ្លូវ ខ្ញុំមើលចំណាំឱ្យហើយ ។ ហើយពេលយប់ ខ្ញុំជិះប្រុងប្រយ័ត្ន ហើយអត់សូវហ៊ានជិះលឿនទេ ។ ហើយពេលមានឡានជិះពីក្រោយម្ដងៗ វាជួយខ្ញុំមើលឃើញផ្លូវ និងការដ្ឋានសាងសង់បានច្បាស់»។ នេះជាការលើកឡើងរបស់លោក យូគៀង។
ក្រៅពី យូគៀង ដែលមើលឃើញបញ្ហានេះ ក៏មានករណីពលរដ្ឋជិះម៉ូតូដួល និងបុករនាំងការដ្ឋាននេះ ២-៣ ករណីមកហើយ។
ការដ្ឋានសាងសង់លើកំណាត់ផ្លូវជាតិលេខ២នេះ មានចំណុចមួយចំនួន បានត្រឹមតែដាក់រនាំងលាបថ្នាំព័ណ៌ក្រហម លាយ ព័ណ៌ស ចងជាប់ជាមួយខ្សែ ដោយអមជាមួយពាក្យថា «សូមបន្ថយល្បឿន » និង «ការដ្ឋានសាង់សង់» ប៉ុណ្ណោះ។ អ្នកធ្វើដំណើរពេលព្រឹក និងពេលថ្ងៃ គ្មានបញ្ហាអ្វីចោទទេ ព្រោះមានពន្លឺថ្ងៃគ្រប់គ្រាន់ សម្រាប់មើលឃើញទីតាំងសាងសង់ផ្លូវទាំងនោះ ដែលផ្ទុយពីពេលយប់។ អ្នកទទួលខុសត្រូវលើការដ្ឋានសាងសង់កំណាត់ផ្លូវនេះ ទំនងជាមិនបានគិតពីហានិភ័យពលរដ្ឋធ្វើដំណើរពេលយប់ឡើយ?
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
អភិវឌ្ឍន៍
រចនាសម្ព័ន្ធ
© រក្សាសិទ្ធិដោយ thmeythmey.com
អត្ថបទពេញនិយម
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
5 ថ្ងៃ
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
5 ថ្ងៃ
តើពាក្យងារជា «សម្តេច» មានន័យដូចម្តេច?
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
1 សប្តាហ៍
តើពាក្យ «ដុតដៃដុតជើង» មានន័យដូចម្តេច?
7 ថ្ងៃ
អត្ថបទពេញនិយមបន្ថែម