នៅក្នុងសិតទី១ ក្រុមកម្ពុជា ធ្វើបានល្អដោយបាននាំមុខក្រុមម្ចាស់ផ្ទះម៉ាឡេស៊ី(B) ក្នុងលទ្ធផល ២៥-១៦។ យ៉ាងណាចូលដល់សិតទី២ កម្ពុជា បន្តដាក់សម្ពាធសារជាថ្មីម្តងទៀតទៅលើក្រុមម្ចាស់ផ្ទះ។ ទោះបីជាក្រុមម៉ាឡេស៊ី ប្រឹងប្រែងទប់ទល់យ៉ាងណាក៏ដោយម៉ាឡេស៊ី(B) នៅតែមិនអាចយកឈ្នះកម្ពុជាបាននោះទេ។ សិតទី២ ត្រូវបានបញ្ចប់ក្នុងលទ្ធផល ២៥-២១។

 

 

ចូលដល់សិតទី៣ ក្រុមភ្ញៀវកម្ពុជា នៅតែបន្តធ្វើបានល្អដោយបានយកឈ្នះទៅលើក្រុមម៉ាឡេស៊ីឈុត(B) ដោយលទ្ធផលដាច់ឆ្ងាយ ២៥-១៧។ ចំណែកក្រុមបាល់ទះម៉ាឡេស៊ី(A) បានយកឈ្នះសិង្ហបុរី ក្នុងលទ្ធផល ៣-១សិត ដែលនាំឱ្យក្រុម ទៅជួបភ្ញៀវកម្ពុជា សារជាថ្មីម្តងទៀតនៅវគ្គផ្តាច់ព្រ័ត្រ។

 

គួបញ្ជាក់ថា ការប្រកួតរវាងក្រុមម្ចាស់ផ្ទះម៉ាឡេស៊ី(A) និងក្រុមភ្ញៀវកម្ពុជា នឹងចាប់ផ្តើមនៅម៉ោង៩យប់ បន្ទាប់ពីបញ្ចប់ការប្រកួតរវាងក្រុមសិង្ហបុរី និងម៉ាឡេស៊ី(B) នៅម៉ោង៧យប់៕