បើតាមសម្តេច ជំនួយរបស់ក្រុមហ៊ុននេះ ត្រូវបានផ្តល់ជាថវិកាទៅឱ្យក្រសួងសេដ្ឋកិច្ច និងហិរញ្ញវត្ថុ ជាអ្នកទទួលបន្ទុកក្នុងការទិញឡានក្រុងចំនួន១០០០គ្រឿង​។ សម្តេច ហ៊ុន សែន បន្តមានប្រសាសន៍ដូច្នេះ៖ « ឡានទាំងនោះ នឹងឱ្យទៅខេត្តខ្លះ ដើម្បីតភ្ជាប់ និងសម្រួលការធ្វើដំណើររបស់ប្រជាពលរដ្ឋ​ ក៏ដើម្បីជួយកាត់បន្ថយគ្រោះថ្នាក់ចរាចរណ៍ ផងដែរ»។​

 

កាលពីអំឡុងខែកុម្ភៈ​ ឆ្នាំ២០២៣ ក្រុមហ៊ុន ប៊ូយ៉ុង បានផ្តល់ជំនួយរថយន្តក្រុងចំនួន២០០គ្រឿងមកឱ្យរដ្ឋបាលរាជធានីភ្នំពេញ​ ដើម្បីរួមចំណែកពង្រឹងប្រសិទ្ធភាពនៃការផ្តល់សេវាដឹកជញ្ជូនសាធារណៈ រថយន្តក្រុង (City Bus) ក្នុងរាជធានីភ្នំពេញ។ ក្រៅពីទទួលបានជំនួយរបស់កូរ៉េ​ រដ្ឋបាលធានីរាជធានីក៏ទទួលបានជំនួយរថយន្តក្រុងនេះ ពីប្រទេសជប៉ុន ផងដែរ។ 

 

ក្នុងឱកាសពិធីបុណ្យចូលឆ្នាំថ្មីប្រពៃណីជាតិកន្លងមកមានពលរដ្ឋជាង៥ម៉ឺននាក់បានប្រើប្រាស់សេវាសាធារណៈមួយនេះ៕