សៀមរាប៖ ប្រជាពលរដ្ឋជាច្រើនមកពីបណ្ដាស្រុក ខេត្ត រាជធានីឆ្ងាយៗ នៅតែបន្តនាំកូនចៅមក​ព្យាបាល​នៅមន្ទីរពេទ្យគន្ធបុប្ផា​ខេត្តសៀមរាប ដោយសារការជឿជាក់និងទុកចិត្តយ៉ាងខ្លាំង។

 

ដូចដែលបានដឹងហើយថា មន្ទីរពេទ្យគន្ធបុប្ផា ជាមន្ទីរពេទ្យសប្បុរសធម៌​ដែលបានជួយកុមារ​កម្ពុជា​រាប់លាននាក់ ដោយឥតគិតថ្លៃនៅគ្រប់សាខាទាំងអស់។ តួយ៉ាង ប្រជាពលរដ្ឋដែលមាន​ទំនុកចិត្ត​លើមន្ទីរពេទ្យជ័យវរ្ម័នទី៧ ឬគន្ធបុប្ផាខេត្តសៀមរាប តែងនាំយកកុមារ​ដែលត្រូវជា​កូនចៅ​មកព្យាបាលនៅមន្ទីរពេទ្យនេះ មិនថាអ្នកនៅក្នុងខេត្តសៀមរាប ឬតាមបណ្តាខេត្តផ្សេងៗ​នោះទេ។ រាល់ថ្ងៃ មានពលរដ្ឋជាច្រើនតែងតម្រង់ជួរដើម្បីចាប់លេខមុនចូលពិនិត្យ និងមានអ្នកខ្លះ​អង្គុយ​ត្រៀបត្រារង់ចាំសាច់ញាតិដែលបាននាំកូនចៅទៅពិនិត្យក្នុងមន្ទីរពេទ្យ។ 

 

 

យ៉ាងណា គ្រូពេទ្យបានណែនាំឱ្យលោកស្រី ញន សុគិម យកកូនមកពិនិត្យតាមដានបន្តទៀត រៀងរាល់ពីរខែម្តង។ លោកស្រីបន្ថែមដោយទឹកមុខញញឹមដូច្នេះថា អ្វីដែលធ្វើឱ្យលោកស្រីកាន់​តែសប្បាយចិត្តនោះគឺ គ្រូពេទ្យនៅទីនេះចិត្តល្អ រួសរាយរាក់ទាក់ និងមើលថែកុមារគ្រប់រូបបាន​ដិតដល់ទៀតផង។

 

 

ជាមួយគ្នានេះ ​លោកស្រីសូមផ្តាំផ្ញើដល់ប្រជាពលរដ្ឋទាំងអស់​ដែលនាំកូនចៅមកព្យាបាល​នៅមន្ទីរពេទ្យគន្ធបុប្ផានេះ ឱ្យចូលរួមថែរក្សាអនាម័យ ដោយទុកដាក់សំរាមឱ្យបានត្រឹមត្រូវ ដែលជាចំណែកជួយរក្សាអនាម័យបរិស្ថានទាំងអស់គ្នា៕