ការដាំដើមឈើ និងបណ្ដុះស្មៅឡើងវិញនេះ ដើម្បីបង្កើនសោភណ្ឌភាពជុំវិញបរិវេណអង្គរ ក៏ដូចជាទាក់ទាញអារម្មណ៍ភ្ញៀវទេសចរ ដែលទស្សនា និងកម្សាន្ត នៅខេត្តប្រវត្តិសាស្រ្តនេះ។

 

គួរបញ្ជាក់ថា បច្ចុប្បន្ន អាជ្ញាធរជាតិអប្សាបានសហការជាមួយស្ថាប័នពាក់ព័ន្ធ វិស័យឯកជន និងអង្គការដៃគូនានា ដោយបានដាំស្មៅសរុបចំនួន២៧,៤៨១ម៉ែត្រការ៉េ និងដាំកូនឈើសរុបចំនួន២២,៩៦៣ដើម ដើម្បីបំពេញបន្ថែមនៅលើដី ដែលប្រជាពលរដ្ឋបានស្ម័គ្រចិត្តចាកចេញពីតំបន់អង្គរ ទៅរស់នៅតំបន់អភិវឌ្ឍពាក់ស្នែង និងតំបន់រុនតាឯក ស្របតាមគោលនយោបាយរបស់រាជរដ្ឋាភិបាលកម្ពុជា៕