ក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា កូនផ្សោតមួយក្បាលនេះ ត្រូវបានគេប្រទះឃើញ និងថតបាននៅរសៀលម៉ោង១កន្លះ ថ្ងៃទី១៥ ខែមិថុនា ឆ្នាំ២០២៣ នៅចំណុចអន្ទង់វៀននៃអន្លង់កាំពី ភូមិកាំពី ឃុំសំបុក្រ ស្រុកចិត្របុរី ខេត្តក្រចេះ។ កូនផ្សោតដែលទើបកើតថ្មីនេះ មានអាយុប្រមាណ៥ថ្ងៃ កំពុងហែលជាមួយផ្សោតពេញវ័យចំនួន ៥ក្បាលទៀត។ 
 

សូមបញ្ជាក់ថា នេះជាកូនផ្សោតទី៤ហើយ ដែលបានកត់ត្រាចាប់តាំងពីខែមករា ដល់ខែមិថុនា ឆ្នាំ២០២៣។ ដោយឡែក ឆ្នាំ២០២២ ក្រុមអ្នកភិរក្សបានកត់ត្រាកូនផ្សោតចំនួន៦ក្បាល និងនៅឆ្នាំ២០២១ ក្រុមការងារបានកត់ត្រាកូនផ្សោតបានចំនួន៦ក្បាល៕