នាពិធីជួបសំណេះសំណាលជាមួយកម្មករ និយោ​ជិត នៅក្នុងក្រុងបាវិត ខេត្តស្វាយរៀង នៅថ្ងៃទី ២៥ ខែ មិថុនានេះ សម្ដេច ហ៊ុន សែន បានអះអាងថា សម្ដេច ចង់បានអាយុដល់១១០ឆ្នាំ ឬត្រឹមអាយុ១០០ឆ្នាំ។ ការចង់បានរបស់សម្ដេចដូច្នេះ ក៏ព្រោះតែ វង្សក្រកូលរបស់សម្ដេច សុទ្ធតែមានអាយុវែង ដែលរស់បានរហូតដល់អាយុជាង១០០ឆ្នាំ ឬជាង៩០ឆ្នាំឯណោះ។ 
 

សម្ដេច ហ៊ុន សែន បានបញ្ជាក់ដូច្នេះ៖ « ប៉ុន្តែបើរស់បានត្រឹមអាយុ១០០ឆ្នាំ វាអស្ចារ្យណាស់ទៅហើយ ។ ប៉ុន្តែឪពុកមារបស់ពូ ដែលទើបចែកឋានទៅដែលគេហៅថា ជាអ្នកចុងក្រោយបំផុត គាត់បានព្រះជន្ម ១០៣។ ជីដូនជីតារបស់ពូ  ជីដូន បាន៩២ឆ្នាំ  ជីតា បាន៩៣ឆ្នាំ ឪពុក របស់ពូ ក៏បាន៩០ ដែរ ។ អ៊ីចឹងសង្ឃឹម ថាពូមិនទាបជាង៩០ទេ»៕